6 жыл мурун жол кырсыгынан жабыркаган тургундун жамбаш сөөгү чирип, операция жасатууга муктаж болууда

Жамбаш сөөгү чирип, өмүрүнө коркунуч жаралып жаткан Эрнис Жумабаевге операция жасоо зарыл болууда. Мындай маалыматты бүгүн, 6-июлда SUPER.KG порталына бейтаптын бир тууган карындашы Элмира Жумабаева билдирди.

"Бир тууган агамдын ден соолугу күндөн күнгө начарлап жатат. Дарыгерлер жамбаш сөөгү чирип жатканын айтты. Бул абалга 6 жыл мурда болгон жол кырсыгы себеп болууда. Тез аранын ичинде жамбаш сөөгүнө операция жасап, темир коюу керек. Мындан улам 3 ай мурда атайын жардам топтоо үчүн эсеп ачтыргам. Андан бери 100 миң сом каражат топтодум. Операция Бишкекте жасалат, ал үчүн 2,5 миң доллар керектелет. Дагы 50 миң сом каражат болсо операция жасалат", - деп билдирди Жумабаева.

Эрнис Жумабаев Нарын облусуна караштуу Жумгал районунун тургуну. Учурда 40 жашта. 10 жылдан бери үй-бүлөсү менен чогуу жашабайт. Кыздары менен да катташып, байланышпай калган.

"Менин 4 балам бар. Азыркы учурда кош бойлуумун. Агамдын ден соолугу үчүн кам көрө албай калдым. Бир тууган агаларым жардам бермек турсун өздөрүнүн турмуш шарты оор. Негизи биз 5 бир тууганбыз. Мен жалгыз кызмын. Ата-энебиздин көзү өтүп кеткен. Агамды майыптыгы үчүн пенсияга чыгарайын десем аскерге барып келгендеги аскердик билети жок болууда. Анткени агам аскерден кызматын өтөп, чыгарда кырсык болуп 5 жылга камалып кеткен. Кийин чыкканда аскердик билет жөнүндө эч ким ойлонбой алынбай калыптыр. Документтерин топтоп пенсияга чыгарууга 6 ай убактымды кетирдим. Бирок майнап чыккан жок", - деп билдирди Жумабаева.

Автор: Акназар Сулайманкулов
Фото: Элмира Жумабаева

19:20 06-07-2017

Жазылуу

РУБРИКАДАГЫ СОҢКУ КАБАРЛАР

00:02 2025-07-09 | Саясат

Тажикстандын борборунда кыргыз ыр-күүлөрү жаңырды 405 0

23:31 2025-07-08 | Түркүн дүйнө

Дональд Трамп Орусияны коркутууга алды 1464 0

23:19 2025-07-08 | Саясат

Душанбеде кыргыз-тажик өндүрүмдөр көргөзмөсү болду. Ага эки өлкөнүн лидерлери барды 453 0

22:50 2025-07-08 | Түркүн дүйнө

Ярославль шаарында бороон бак-дарактарды кыйратып, жолдор жабылды (видео) 473 0

22:08 2025-07-08 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 903 0

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 1555 0

Архив

Комментарийлер (1)

jonne

2017-07-06 19:31:14

Пирздент боло турган агалар байкелер ушундай нерселер менен озунорду реклама кылсанар жакшы болот эле курулай созго 25 жыл угуп келип тажадык. Болбосо акчанар асманга сабыргандай сапырып жок болуп калып атат сооп иш кылып калынздар

Комментарий калтыруу үчүн өз ысымыңыз менен кириңиз же каттоодон өтүңүз.