Бишкек шаарында таштанды чыгаруу системин өзгөртүү сунушталды

Бишкек шаарынын тургундары таштанды чыгаруу үчүн акча төлөбөй, таштанды чыгаруучу кызматын бекер колдонуп жатышканы тууралуу бүгүн, 11-июлда шаардык мэрияда коомдук талкууга коюлду.

"Бишкек шаарында таштандыларды башкаруу системасын жакшыртуу" долбоорунун алкагында таштанды чыгаруу системин өзгөртүү сунушталды. Европа банкы тарабынан Бишкек шаарында катуу тиричилик таштандыларды иштетүү системин жакшыртууга 22 миллион евро, анын ичинде жарымы грант, калганы насыя түрүндө берилгени маалым болду. Ошол каражаттан былтыр таштанды таштоочу контейнерлер орнотулду.

Шаардын тазалыгына арналган долбоордун автору Янис Пролс мурунку таштанды чогултуу системи эскиргенин билдирди. Ошондой эле калдыктарды чогултууга жакшы көңүл бурулбай жатканын айтты.

"Тазалык" муниципалдык ишканасы таштандыларды жок кылуу милдетин мурда аткарып келсе, азыр "Санитардык полигон" ишканасы аткарууда. Жаңы системде жарандарды каражат төлөөгө милдеттендирүү керек. Башка өлкөлөрдө шаарды булгаган адамга айып салуу мыйзамы бар.Таштандыны чыгаруудагы 100 пайыз чыгымды жарандар өздөрү төлөш керек. Тарифти жогорулатуунун зарылчылыгы жок. Мурунку боюнча эле калтырса болот”, - деди ал.

Автор: Жылдыз Джускембаева
Фото: Жылдыз Джускембаева