Голливуд актрисасы Анжелина Жоли ажырашкандан кийин алгачкы жолу чоң интервью берди

Экс-жолдошу Брэд Питт

Актриса балдары менен

Уулу Нокс менен

“Vanity Fair” журналы

Анжелина Жоли

Белгилүү актриса Анжелина Жоли актёр Брэд Питт менен ажырашкандан кийин алгачкы жолу америкалык “Vanity Fair” журналына чоң интервью берди. Анда үй-бүлөлүк уруш эмнеден чыкканын так айтпаса да, ажырашуудан кийинки жашоосу тууралуу кенен маалымат берген.

“Ата-энем ажырашып кеткенде, мен апам үчүн абдан убайым тарткам. Азыр балдарым мен үчүн сарсанаа болушун каалабайм. Андыктан убактымдын көбүн аларга арнап, жадакалса даамдуу тамак жасап берүү үчүн кулинария курсуна да жазылдым”, - деген ал. Ошондой эле кээде жан дүйнөсү кыйналып ыйлагысы келерин, ал учурда балдарынан жашырынып ванна бөлмөсүндө ыйлап аларын да кошумчалаган.

Ал эми ажырашууну балдары кандай кабыл алганы тууралуу суроого кыскача гана жооп берген.

“Ар бир балам ар кандай кабыл алды. Мен үчүн 9 жаштагы уулум Нокско түшүндүрүп берүү өтө оор болду. Ал өзүн жинди болгон адамдай эле алып жүрдү. “Биз акылдан азган үй-бүлөбүз, кел мындан кийин деле ушинтип жашай беребиз. Элдин баарына акылдан азып калганыбызды айтабыз” деген сыяктуу сөздөрдү айтканга чейин барды”, - деген актриса окуядан соң өзүнүн ден соолугу начарлап, нервден улам бет булчуңунун шал оорусу менен жабыркаганын да айткан.

Маектин соңунда келечектеги пландары менен бөлүшкөн.

“Мен 9 ай үй иштери менен алектендим. Идиштерди өзүм жууп, тамакты өзүм жасап жаттым. Эми ботинкемди кийип алып, балдарым менен жер кыдырып саякаттагым келип жүрөт”, - деген ал.

Эске салсак, Голливуд жылдыздары Анжелина Жоли менен Брэд Питт 2016-жылдын 19-сентябрында эки ажырым жолго түшүшкөн. Алардын 6 баласы бар болсо, 3өөнү багып алышкан.

Автор: Наргиза Талантбекова
Фото: Интернеттен алынды

09:52 27-07-2017

Жазылуу

РУБРИКАДАГЫ СОҢКУ КАБАРЛАР

14:34 2025-05-01 | Түркүн дүйнө

Бразилияда дүйнөдөгү эң кары адам каза болду 211 0

14:24 2025-05-01 | Супер-Инфо

Эсенгелди Жумакунов: «Занзибар аралынын тамак-ашына көнө элекмин» 74 0

14:12 2025-05-01 | Коом жана турмуш

Бүгүнкү майрамга карата "Ала-Арча" сейил багына кирүү акысыз болот 112 0

13:44 2025-05-01 | Кылмыштар, кырсыктар

Бишкекте тергөөчү пара алууга шектелип кармалды 272 0

13:30 2025-05-01 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 2866 0

13:27 2025-05-01 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 841 0

Архив

Комментарийлер (7)

kechirmeni

2017-07-27 10:01:02

Экоонун тен эле бири биринде конулдору бар сыяктанат менимче, жарашып эле алышканда жакшы болот эле

Jaloshtalnarisbatchui

2017-07-27 12:50:37

тушунуксуз.....

AKCAHAT

2017-07-27 13:13:06

картая тушуптур, чарчанкы корунот. ушуларга не жетпейт бактылуу болуп жашай бербейби нары, бала десе бала куйоо десе куйоосу, аялы десе аялы дуйнонун алдынкы идеалдары, байлык десе байлык, аброй десе аброй. негизи адамга эчтеке жакпайт да.

AIZAD

2017-07-27 13:37:40

AKCAHAT,байлык канча коп болсо, проблема да ошончо чон болот!!

Hadyja

2017-07-27 18:55:05

Кыргызстанга келип кетсин.Коп балалуулар мамлекеттеринин бирибиз.Жаратылышыбыз да жакшы.
9ай жашаган жашоосу мн омур бою жашагандарды корот.

ALMAAAN

2017-07-27 19:25:22

Жоли сулуу актриса да

Aselya_9105

2017-07-28 00:19:54

Кайрадан жарашып алышаарына тилектешмин.

Комментарий калтыруу үчүн өз ысымыңыз менен кириңиз же каттоодон өтүңүз.