Коомдук ишмер: "Үркүндө жан берген ата-бабаларыбыздын сөөгүн көмбөй, аларга куран окутпай коюу - биздин маңкуртчулугубуз"

Бейшенбек Абдразаков

Бүгүн, 4-августта өлкөнүн бир катар аймактарында 1916-жылдагы кыргыз элинин улуттук боштондук күрөшүндө курман болгондорду эскерүү иш-чаралары өткөрүлүп жатат. Бишкектеги Алыкул Осмонов атындагы улуттук китепканада "Тарыхтын эскирбес тагы" аттуу көргөзмө ачылып, ага Үркүн тууралуу китептер, гезиттерге жарыяланган макалалар, тарыхый изилдөөлөр сүрөттөрү менен коюлду. Көргөзмөнүн ачылыш аземине коомдук бирикмелердин өкүлдөрү, тарыхчылар, жазуучулар жана башка маданият өкүлдөрү келишти.

"Үркүндө курман болгон канчалаган адамдардын сөөгү көмүлбөй жатат. Аны топоздор жешет, топоздун этин биз жейбиз. Ата-бабаларыбыздын сөөктөрүн көмбөй коюу - биздин маңкуртчулугубуз. Кыргыз мамлекетиндеги 2005-жылкы революция Жалал-Абадда, 2010-жылкы революция Таласта башталган. Ал эми 1917-жылдагы Улуу Октябрь революциясынын башталышы деп 1916-жылдагы кыргыз элинин улуттук боштондук күрөшүн айтсак болот", - деди "Үй куруучулар" тобунун башчысы Бейшенбек Абдразаков.

Мындан сырткары коомдук уюмдардын бири жана Октябрь райондук администрациясы тарабынан Бишкектин Түштүк дарбазасындагы Үркүндүн курмандыктарына арналып орнотулган эстеликке гүл коюу аземи өтүп, куран окулду. Улуттук боштондук үчүн күрөштүн курмандыктарын эскерүү иш-чаралары Боом капчыгайына барып боз үй тигип, мал союп, куран окутуу менен уланарын уюштуруучулар билдиришти.

Белгилей кетсек, Жогорку Кеңештин 2008-жылдын 18-апрелиндеги токтомуна ылайык, август айынын биринчи аптасынын жума күнү - "Улуттук боштондук үчүн күрөштүн курмандыктарын эскерүү" күнү деп белгиленген.

Автор: Саадат Токтоболот кызы
Фото: Саадат Токтоболот кызы

17:01 04-08-2017

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка каршы иштеген кызматкерлерин кетирди 408 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 1354 0

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 1733 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 2081 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 2502 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 1070 0

Архив

Комментарийлер (1)

Medina87

2017-08-04 22:29:56

2016-жылы Кыргыз элимдин улуттук боштондугу учун курошуп жан бергендердин жаткан жерлери жаннаттан болсун!
Эскеруу иш-чараларын уюштургандарга АЛЛАнын нуру жаасын!!

Комментарий калтыруу үчүн өз ысымыңыз менен кириңиз же каттоодон өтүңүз.