Тил сынагынан эң төмөн балл алган президенттикке талапкер эмне себептен өтпөй калганы боюнча пикирин айтты

Бүгүн, 10-август күнү президенттикке талапкер Калмамат Мактымбаев мамлекеттик тилди билүү деңгээлин аныктоо боюнча сынакты тапшырууда 24,6 балл алып өтпөй калды.

Бул мурун сынакка кирген талапкерлерге салыштырмалуу эң төмөнкү балл. Буга чейин бир гана талапкер Руслан Жунусов 46,1 балл алып өтпөй калган эле.

Талапкер Мактымбаевдин пикири боюнча, ал компьютерден тестти жакшы тапшырып, бирок оозеки сынактан кулап калды.

"Компьютерден тест тапшырууда жалпысынан жакшы жооп бердим десем болот. Кийин оозеки тапшырганда кулап калдым. Оозеки жооп берип жатып, бир аз оппозициялык маанайда да сүйлөп койдум эле. Ал да негизги себептерден болду окшойт деп ойлоп жатам. Мен мектепти кыргыз тилинде бүткөм. Жакшы эле тапшырам деп ойлоп жаткам. Алдын ала машыгуу үчүн 4 жолу келип сынак тапшырып жакшы эле натыйжаларга ээ болгом. Биринчи келип тапшырганда 81 балл алдым, кийинкисинде 85, андан соң дагы 2 жолу келип, 90 баллдан алгам", - дейт Мактымбаев.

Айта кетсек, Мамлекеттик тил сынагынан өтүү - президенттикке талапкерлерди каттоодогу негизги үч талаптын бири. Президенттик шайлоого ат салышмакчы болгондор мындан тышкары кеминде 30 миң шайлоочунун колун топтоп, 1 миллион сом күрөө төгүшү керек. Ошондон соң гана БШК аларды талапкерликке каттайт.

Бүгүн 4 талапкер мамлекеттик тилди билүү деңгээлин аныктоо боюнча сынакты тапшырмак, алардын ичинен Исхак Масалиев 82,25 балл, Арсланбек Малиев 64,27 балл, Казыбек Шайымбетов 79,37 балл алышып сынактан ийгиликтүү өтүштү.

Автор: Кенжебай Сатканалиев

18:02 10-08-2017

Жазылуу

РУБРИКАДАГЫ СОҢКУ КАБАРЛАР

23:44 2025-06-27 | Коом жана турмуш

28-июнга карата аба ырайы 293 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 1373 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1052 0

21:53 2025-06-27 | Саясат

ЕАЭБ жыйынында бир нече документтерге кол коюлуп, кабыл алынды 453 0

21:38 2025-06-27 | Коом жана турмуш

Такыр-Төр көлү жарылганына байланыштуу 950 адам эвакуацияланды 1312 0

21:17 2025-06-27 | Саясат

ЕАЭБ аймагынан кайра иштетилүүчү кагаз жана картонду алып чыгууга убактылуу тыюу салынды 344 0

Архив

Комментарийлер (4)

tulpar90

2017-08-10 19:44:21

Мадумаровго эч ким жетпейт экен да.

mir777

2017-08-10 23:18:22

Ава убара болбой эле жатын кок чайдан ичип ТВны коргончо

gulya583

2017-08-10 23:47:21

Коррупция жен ичинен дегендей. Мисалы мен апасы турк Бабановду ото жакшы балл алды дегенде эле тунулгом. Бизнесмен эч качан мамлекетти ойлобойт, только оз пайдасын гана коздойт албетте. Мадумаров озу журналист, тилчи болсо албетте жакшы тапшырууга милдеттуу. Бирок бул да курулай тилинен башка мамлекетке пайдасы жок деп ойлойм.

barsbegKG

2017-08-11 00:16:43

gulya583,Тарыхчы... адашпаңыз.

Комментарий калтыруу үчүн өз ысымыңыз менен кириңиз же каттоодон өтүңүз.