Жарандардын мамлекеттик органдарга жөнөткөн кайрылууларына тиешелүү мыйзам долбоору 3-окууда добуш берүүгө жиберилди

“Жарандардын кайрылууларын кароонун тартиби жөнүндө” мыйзамга өзгөртүүлөрдү жана толуктоолорду киргизүү тууралуу” мыйзам долбоору бүгүн, 22-майда ЖКнын жыйынында каралып, 3-окууда добуш берүүгө жөнөтүлдү. Бул тууралуу ЖКнын басма сөз кызматы билдирди. Маалыматка ылайык, мыйзам долбоору мамлекеттик органдарга же жергиликтүү өз алдынча башкаруу органдарына электрондук почта боюнча келип түшкөн электрондук кайрылууларды кароонун тартибин, ошондой эле мамлекеттик органдын же кызмат адамынын компетенциясына ылайык кароого келип түшкөн электрондук кайрылууларды кароодогу алардын милдеттерин карайт.

Автор: Ширин Жумадилова