Зордукталганы тууралуу шоуго тартылып, интернет жылдызына айланган Диана Шурыгина турмушка чыгат

2016-жылы Диана Шурыгина аттуу орусиялык өспүрүм кыз 16 жашында зордукталып, ал окуясы менен "Пусть говорят" берүүсүнө катышып, коомчулук арасында чоң талкууга жана сын-пикирге кабылган эле. Ошол окуядан соң интернет жылдызына айланган Шурыгина күз айларында турмушка чыгуу алдында турат. Бул тууралуу орус басылмалары жазып чыгышты.

Маалым болгондой, анын болочоктогу жолдошу Биринчи каналда оператор болуп иштеген 29 жаштагы Андрей Шлягин аттуу жигит. Экөө алып баруучу Андрей Малахов даярдаган "Диана Шурыгина менен шуры-муры" берүүсү тартылып жатканда таанышышкан. Арадан көп өтпөй кыз-жигитке айланып, жакында эле мыйзамдуу түрдө никелешүү үчүн ЗАГСка арыз таштап келишкенин Шурыгина өзү билдирген.

"Андрей мени моралдык жактан абдан колдоду. Сүйлөшүп баштаганыбызга 3 ай болгону менен, азыр чогуу жашап, бири-бирибизден ажырабайбыз. Жакында эле тамактанып отурсак, мага турмушка чыгуу сунушун киргизди. Күтүүсүз болду. Ата-энелерибиз азырынча баш кошууга жаш экенибизди айтышты. Бирок жакшылыктын эрте-кечи жок. Нике күбөлүгүбүздү 5-октябрь күнү колго алып, андан соң ресторанда чакан той беребиз", - деген ал.

Ошондой эле учурда экөө тең бири-биринин ата-энеси менен таанышканын жана алар балдары үчүн абдан кубанып жатышканын кошумчалаган.

Сүйүктүүсү Андрей Шлягин менен

Белгилей кетсек, ушул жылдын январь айында орустардын "Пусть говорят" берүүсүндө Диана Шурыгина аттуу өспүрүм кыздын зордукталганы боюнча чыккан көрсөтүүдөн соң коомчулук арасында кызуу талкуу жүрүп, аталган берүү бул теманын алкагында 5 жолу программа даярдаган. Ал гана эмес берүүнүн ошол кездеги алып баруучусу Андрей Малахов атайын Диананын жашоосу чагылдырылган "Диана Шурыгина менен шуры-муры" деген аталыштагы көрсөтүү даярдап, өспүрүм кыз интернеттин жылдызына айланган.

Автор: Наргиза Талантбекова
Фото: Интернеттен алынды

14:32 28-08-2017

Жазылуу

РУБРИКАДАГЫ СОҢКУ КАБАРЛАР

09:53 2025-06-28 | Түркүн дүйнө

Amazon компаниясынын негиздөөчүсү Жефф Безос үйлөндү 105 0

09:33 2025-06-28 | Коом жана турмуш

Такыр-Төр көлүнүн жырылышына байланыштуу кошумча маалымат берилди 317 0

09:21 2025-06-28 | Саясат

Президент Садыр Жапаровдун Беларуска болгон иш сапары аяктады 192 0

23:44 2025-06-27 | Коом жана турмуш

28-июнга карата аба ырайы 577 0

23:12 2025-06-27 | Түркүн дүйнө

Орусияда балдар аянтчасында кой сойгон мигрант өлкөдөн чыгарылды 2606 0

22:23 2025-06-27 | Түркүн дүйнө

Рамзан Кадыровдун 17 жаштагы уулу жакында үйлөнөт 1692 0

Архив

Комментарийлер (7)

tular

2017-08-28 14:44:25

Талкаланганын реклама кылган турбайбы шуры-муры...

Batma08

2017-08-28 14:46:51

Тооба.. соз жок

Eleko

2017-08-28 14:51:24

Чындыгында сулуу кыз.Мына дагы бир далил,зордукталдынбы же ким болсон да эркек учун аял кишинин сулуулугу биринчи орунда тураары анык.Биринчи-сырткы сулуулук дейт булар(эркектер дегеним).Диана сулуу,сен да бактылуу болууга акын бар,аялдык бакыт каалайм!

rios.07

2017-08-28 14:54:54

оштукча айтканда сразу болуп кетиш деген ушулкенда а диана

-12

Polumna

2017-08-28 14:56:11

Танцы дн программага стриптиз бийлеп катышат деп уктум го.

Bolunbo.kyrgyz

2017-08-28 14:56:53

Той качан экен

Munar8625

2017-08-28 15:25:33

Bolunbo.kyrgyz,5 Октиябрга келебересин тойго сана кабар шул

Комментарий калтыруу үчүн өз ысымыңыз менен кириңиз же каттоодон өтүңүз.