Ош шаардык соту байбичесин өлтүрүүгө шектелген абышканы акыл-эси жайында эмес деп тапты

Ош шаардык соту байбичесин өлтүрүүгө шектелген абышканы акыл-эси жайында эмес деп таап, Кызыл-Жардагы республикалык психиатриялык ооруканага дарыланууга жөнөттү. Бул тууралуу маалыматты Ош облустук сотунун басма сөз катчысы Бекзат Осмонкулов тастыктады.

Ошондой эле Осмонкуловдун айтымында, Жазык-процесстик кодекстин 29-беренесинин 2-бөлүгүнө ылайык (Сот жазык мыйзамы тарабынан тыюу салынган жосунду акыл-эси соо эмес абалда жасаган адамга карата жазык ишин кыскартат) кылмыш ишин токтотуу боюнча токтом кабыл алган.

Токтом акыркы эмес, тараптар апелляциялык тартипте даттанышса болот.

Айта кетсек, ушул жылдын 14-июль күнү саат 18:40 чамаларында Ош ШИИБинин нөөмөт бөлүмүнө Жапалак айылында улгайган аялдын канга боёлуп жерде жаткандыгы тууралуу маалымат түшүп, оперативдүү топ окуя болгон жерге барган. Оперативдүү топ кароо учурунда улгайган аял моюнуна бычак сайылып каза болгонун жана анын 1938-жылы туулганын аныкташкан.

Кемпирдин өлүмүнө шектүү катары 83 жаштагы Т.М. аттуу абышкасы кармалган. Шектүү көрсөтмөсүндө аялы малдарына өз убагында жем-суу бербей койгондо катуу айтканына каяша сүйлөгөндүктөн бычак менен моюнуна сайып жибергенин, ал көп кан жоготуп каза болгонун айткан. Экөөнүн турмуш курганына 61 жыл болгону маалымдалды. Ортосунда 2 уул, 4 кызы бар.
http://www.super.kg/kabar/news/195407/

Автор: Бекжан Рыскулов

14:56 07-09-2017

Жазылуу

РУБРИКАДАГЫ СОҢКУ КАБАРЛАР

23:12 2025-06-21 | Бизнес-Инфо

Имамдар арасында жалпы элдик конкурс: Ар бир адам үчүн исламдык каржы 272 0

22:17 2025-06-21 | Коом жана турмуш

МИКтин өкүлү чөгүп жатат деген үйлөр боюнча жеринде түшүндүрмө берди (видео) 1160 0

21:53 2025-06-21 | Коом жана турмуш

Камчыбек Ташиев Ысык-Көлдөгү эс алуучу жайлардын жетекчилерин чогултту. Себеби 1234 0

19:50 2025-06-21 | Коом жана турмуш

"Чындыкка дал келбейт". МИК чөгүп жатат делген үйлөр боюнча үн катты (видео) 1654 0

18:16 2025-06-21 | Коом жана турмуш

Талаада таштанды терип жүргөн балдардын аракети жүрөк жылытты (видео) 1110 0

17:48 2025-06-21 | Кылмыштар, кырсыктар

Куураган чөптөр күйүп... Бишкектин эки жеринде өрт катталды (видео) 634 0

Архив

Комментарийлер (7)

ilgizk

2017-09-07 14:58:36

80 жашта акыл ээси жайында адам аз эле болот...

Syn4y

2017-09-07 15:26:10

aljyp kalyppy

isabek1977

2017-09-07 16:45:38

83 жаштагы арак ичип алган аксакалда кайдагы акыл эс болот.Эми 80 жаштан откон аксакалдарыбыздан качан кол салып жиберет деп сактанып жашайт окшойбуз.

-5

jasgul

2017-09-07 17:57:34

isabek1977, кадырлай турган карыларыбызга созун ото оор тиерин билесинби. Сен да карыйсын, ошондо сага бироо ушинтип айтып турса кандай акыбалда болоор элен. Жаштардан деле мындай мыкаачылык чыгып атпайбы шайтан азгырып...
Олтуруп алган азабы деле калган омуруно жетишээрлик болду да эх байкушка.

jbolotov

2017-09-07 18:11:25

Эми ушинтип койдуда 80 жашты камайт беле, арактын азгырыгынан Аллах сактасын.

raykray

2017-09-08 01:38:00

Акыл эси жайында эле, балдарын суранычыда каралдыда, бул болгону арактын кесепети,

-2

nazira...

2017-09-08 09:18:42

кудай шайтандан алыс кылып ыйман берсин баарыбызга.

Комментарий калтыруу үчүн өз ысымыңыз менен кириңиз же каттоодон өтүңүз.