Иллюзиянын чебери кореялык Дейн Юн жана анын таң калтырган эмгектери

Сүрөтчүнүн эмгектери

Дейн Юн

Түштүк кореялык сүрөтчү Дейн Юн - иллюзиянын чыныгы чебери. Тактап айтканда, ал косметика жана акварелдик боёктордун жардамы менен денеге, колго, бетке, айтор каалаган жериңизге кызыктуу жана таң калычтуу сүрөттөрдү тартып бере алат. Өзүнүн колунан жаралган чеберчиликти социалдык тармактагы жеке баракчасына жүктөп, достору менен бөлүшүп турат. Баса, анын баракчасына 210 миңге жакын окурман катталган.

Анын өзгөчөлүгү ар дайым изденүүнүн үстүндө болуп, жалаң гана бири-бирине окшобогон жана караган сайын ар түрдүү көрүнгөн сүрөттөрдү тартканында. Бул тууралуу ал өзү британиялык Daily Mail басылмасына берген маегинде айткан.

"Менимче, сүрөттөрүмдүн өзгөчөлүгү - адамдар ар көргөн сайын кандайдыр бир жаңы нерсе таба алышкандыгында. Бул нерсе аларды улам-улам кайталап көрүүгө мажбурлайт", - деген ал.

Маалым болгондой, Дейн Юн учурда 23 жашта. Ал Кореянын мамлекеттик искусство университетин аяктаган.

Автор: Наргиза Талантбекова
Фото: Интернеттен алынды