Шашылыш билдирүү! 23-26-сентябрь күндөрү өлкө аймагында аба ырайы кескин түрдө өзгөрүп, үшүк жүрүшү күтүлөт

Кыргыз жеринде 23-26-сентябрь күндөрү аба ырайынын кескин өзгөрүшү күтүлүүдө. Бул тууралуу SUPER.KG порталына Кыргызгидрометтен кабарлашты.

Маалым болгондой, 23-24-сентябрда өлкө аймагы боюнча мезгил-мезгили менен жамгыр жааса, 25-26-сентябрь күндөрү тоолуу аймактарда үшүк жүрүшү күтүлөт.

Мындай туруксуз аба ырайы көбүнчө дыйканчылык менен алектенген аймактарда орун алып, чарба иштерине тоскоолдук жаратышы мүмкүн.

23-сентябрда абанын температурасы Чүй жана Талас облустарында түнкүсүн +3°C, күндүзү +18 градуска жетсе, Жалал-Абад, Баткен облустарында түнкүсүн +7°C, күндүзү +21 градус болот. Ал эми Ысык-Көл жана Нарын облустарында түнкүсүн +4°C, күндүзү +15 градус болушу күтүлөт.

Автор: Наргиза Талантбекова
Фото: Интернеттен алынды