Сотто прокурор Салянованы 8 жылга эркинен ажыратууну сураган соң анын тарапташтары менен прокурорлор кайым айтышып кетишти

Бүгүн, 20-сентябрда Бишкек шаарынын Ленин райондук сотунда Жогорку Кеңештин депутаты Аида Салянованын соттук иши каралууда. Отурумдун жүрүшүндө айыптоочу тарап соттон Салянованы 8 жылга эркинен ажыратууну сураган соң анын тарапташтары сот залында чуу көтөрүп айыптоочуларга нааразычылыктарын билдиришти. Сот залында отургандар соттук процесстин жүрүшүн 1937-1938-жылдар, Сталиндин учурундагы репрессия менен салыштырышып, 8 жыл көп экендигин, Аида Салянованын күнөөсү жок экендигин айтып кыйкырышты. Ызы-чуу учурунда прокурорлор соттон аларды залдан чыгарып салууну өтүндү. Айыпталуучунун тарапташтары тынч отурарын айтышып, зал тынчтанды. Сот Салянованын тарапташтарына эскертүү берип кийинки жолу чыгарып саларын айтты.

Кийинки кезектеги маселе жарыш сөзгө каралган убакыттын ченеми боюнча болот.

Эскерте кетсек, 2016-жылдын декабрь айында Саляновага "кызматтык абалынан кыянаттык менен пайдалануу" беренеси боюнча кылмыш иши козголгон. Ал "Юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталууда.

Аида Салянованын сотунда дагы ызы-чуу

Автор: Кенжебай Сатканалиев

11:37 20-09-2017

Жазылуу

РУБРИКАДАГЫ СОҢКУ КАБАРЛАР

19:50 2025-06-21 | Коом жана турмуш

"Чындыкка дал келбейт". МИК чөгүп жатат делген үйлөр боюнча үн катты (видео) 188 0

18:16 2025-06-21 | Коом жана турмуш

Талаада таштанды терип жүргөн балдардын аракети жүрөк жылытты (видео) 491 0

17:48 2025-06-21 | Кылмыштар, кырсыктар

Куураган чөптөр күйүп... Бишкектин эки жеринде өрт катталды (видео) 361 0

16:38 2025-06-21 | Коом жана турмуш

Бишкек–Ош унаа жолуна япон технологияларын колдонуу менен 750 метрлик тоннель курулат 758 0

16:17 2025-06-21 | Коом жана турмуш

Бишкекте мамлекеттик ипотекага берилген жаңы үйлөрдүн бири чөгүп жаткандыгы айтылды (видео) 2750 0

15:44 2025-06-21 | Коом жана турмуш

Оштун мэри таңкы текшерүүсүн жөө чуркабай, эми велосипед менен өткөрүп баштады (видео) 1409 0

Архив

Комментарийлер (2)

Gold81

2017-09-20 11:46:50

Эн туура эмес чечим сураптыр! Туура эмес иштерди жасап жатышат! Кийинкилерин ойлошсо жакшы болмок бул прокурорлор соттор!

Abdyrashit.Satylganov

2017-09-20 11:51:50

Бул деген кайтар дүйнө да, убагында Аида эжебиз деле түшүнүксүз кадамдарга барып, элдин эсин оодарганы, эмдигиче эсибизде. Кызмат түбөлүктүү эмес, кече ким элең?, бүгүн ким болдуң?, эртең ким болосуң? эч ким билбейт.... Мисалы:Аида эжебиз прокурор болуп турганда, минтип сотто олтурат деп эч ким ойлобогон эле.Жада калса өзү деле ойлонуп көрбөгөн болушу керек. Эртең эмне болуп кетээрин эч ким билбейт, андыктан прокурор, сотторго ыйман бере көрсүн

Комментарий калтыруу үчүн өз ысымыңыз менен кириңиз же каттоодон өтүңүз.