Айлана формасын "фишкага" айланткан, ден соолугунун мүмкүнчүлүгү чектелген 87 жаштагы япониялык сүрөтчүгө арналып музей ачылды

Яёи Кусама

Бүгүн, 1-октябрда япониялык белгилүү сүрөтчү жана интернеттеги социалдык тармактын популярдуу колдонуучусу 87 жаштагы Яёи Кусамага арналган музей ачылды. Бул тууралуу чет элдик басылмалар жазып чыгышты.

Маалым болгондой, 2014-жылдан тарта курула баштаган музей Кусаманын эмгектерин колдоого алган фонд тарабынан ачылып, анын 1 кабатына толугу менен сүрөтчүнүн эмгектери коюлары айтылган. Көргөзмө ушул жылдын 1-октябрынан тарта 25-февралга чейин созулуп, мындай иш-чаралар жылына 2 жолу уюштурулуп турат.

Яёи Кусама - ачык түстөргө басым жасаган жана ар бир эмгегине айлана формасын кошууну жактырган өзгөчө сүрөтчү. Ал галлюцинация (көзгө ар нерселердин көрүнүшү) менен жабыркагандыктан, талмасы кармаганда көзүнө айлана формасынын элестери көрүнө берчү. Мындан улам аталган форманы ар бир эмгегине пайдаланып, аны "фишкага" айлантууну туура көргөн.

Анын ар бир сүрөт көргөзмөсү болуп көрбөгөндөй кызыгууну жаратып, күнүнө 3000ден ашуун билеттер сатылса, көргөзмөнүн аягына чейин миллиондон ашык адам келет. Кызыгы, 2008-жылы сүрөттөрүнүн бири 5,1 миллион долларга сатылып, анын баасы белгилүү сүрөтчүлөрдүн эмгектеринин ичинен эң жогорку рекордду багынткан баа деп саналган.

Кусама азыркы учурда жогоруда аталган музейдин жанында жайгашкан психиатриалык ооруканалардын биринде өмүр кечирип, кооз картиналарды тартууну улантып келет.

Автор: Наргиза Талантбекова

19:05 01-10-2017

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 266 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 1187 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1194 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 475 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 593 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 932 0

Архив

Комментарийлер (3)

anuvar0903

2017-10-01 19:08:55

Ушул кемпир 87жашта болсо кызык экен жаш көрүнөт го

gulzat85

2017-10-02 09:43:15

Мына сага!!!!аябай кооз экен.

kenje-888

2017-10-02 15:22:59

Кемпирдин карылыгын колунан байкаса болот экен а так 55-60 жаштагыдай корунот экен. Биздин апаларыбыз 87ге чыкканда байкуштар коздору корбой "Айланайын сен кимсин" деп калышат.

Комментарий калтыруу үчүн өз ысымыңыз менен кириңиз же каттоодон өтүңүз.