Декларация: Өкмөттүк аппараттын мурдагы жетекчиси Төрөгул Беков 2012-жылы 542231 сом, жакындары 15000 сом киреше тапкан

Тапшырган декларациясына таянсак, өкмөттүк аппараттын мурдагы башчысы Төрөгул Беков 2012-жылы негизги иш ордунан 542231 сом маяна алган. Ошондой эле анын 1 батири (ээлеген аянты көрсөтүлгөн эмес), 6 сотых жер тилкеси бар экендиги декларацияда көрсөтүлгөн. Бековдун жакын туугандары 2012-жылы 15 миң сом киреше тааптыр. Ал эми мүлктөрүнө 53,5 чарчы метр аянтты ээлеген үй, Хонда Стрим үлгүсүндөгү жеңил унаа, 5 гектар жана 1006 чарчы метр жер тилкелерин белгилеген. Айта кетсек, Мамлекеттик кадр кызматы бир катар мурдагы жана учурдагы мамлекеттик кызматкерлердин кирешеси жана мүлкү тууралуу тапшырган декларацияларын жарыялады.

Автор: Автандил Добулбеков