Талас. Бакай-Ата районунун Ак-Дөбө айылында Балдар күнүнө арналган майрамдык иш-чара өтөт

31-май күнү Талас облусунун Бакай-Ата районуна караштуу Ак-Дөбө айылында 1-июнь - Балдарды коргоонун эл аралык күнүнө карата майрамдык иш-чара өтөт. Бул тууралуу 29-майда аталган райондун акиминин орун басары Айжамал Шамбетова билдирди. Маалыматка ылайык, аталган иш-чарада Бакай-Ата районундагы ата-энесиз балдарга майрамдык маанай тартуулоо иретиде атайын сынактар өткөрүлмөкчү. Ошондой эле балдарга бекер балмуздак таратылат. Кошумчалай кетсек, аталган район боюнча 38 томолой жетим бала бар.

Автор: Гүлназ Атантаева