Ысык-Көл. "Кумтөрдүн" 2 кызматкерине карышкыр кол салды

“Кумтөр” ишканасынын бир кызматкери карышкырга таланган абалда, дагы бир жаран кызматкерге жардам берип жатканда жеңил жаракат алып Ысык-Көл облустук ооруканасына жеткирилди. Бул тууралуу аталган оорукананын башкы дарыгери Токтобай Маанаев кабарлады. Маалыматка таянсак, жабырлануучулар 1969-жылы туулган Т.Ачакеев менен 1975- жылы туулган А.Шералиев учурда оорукананын травматология бөлүмүндө дарыланууда. Алардын абалы туруктуу. "Кумтөр" ишканасына өтүүчү жолду митингчилер тосуп салгандыктан, жабырлануучулар башка жол аркылуу өтүп келе жатканда токойдон карышкыр кол салгандыгы айтылууда.

Автор: Айзат Анарбекова