Ата салты: "Айланып гана кетейин!" Бул сөздүн мааниси "жанымды берүүгө даярмын" экенин билчү белеңиз?

Тектеш кабарлар: Ата салты (22 материал)

Кыргыз эли байыртан сөзгө өзгөчө маани берип, ар бир сөздү аздектеп келишкен. Сөздүн кандайдыр бир күчү бар экенине да ишенишкен. Мындан улам ага байланыштуу ар кандай ырым-жырымдар келип чыккан. Алардын бири катары апалардын балдарын "айланып гана кетейин" деп эркелеткенин айтсак болот. Чынында бул сөздү баарыбыз эле укканбыз. Бирок эмнеден улам "айланып кетейин" деп айтылып калганын биле бербесек керек.

Филолог Сыртбай Мусаевдин айтымында, "айланып кетейин" деген сөздүн түпкү мааниси "айлан", "тегерен" деген сөзгө барып такалат. Аны көбүнчө улуу кишилер, анын ичинде аялдар балдарга карата жалынып, эркелетип жакшы көргөн сезимин билдирүүдө айтышат.

"Кыргыз өзү жашоо-тиричилигинде бурчу чыккан үйлөрдө жашаган эмес. Ар дайым тегерек болгон жайларда жашаганга аракет кылган. Бурчтарга "ар кандай терс, жаман нерселер топтолот" деген түшүнүк болгон. Балдар бардык жагынан камкордукка муктаж да, кээде ооруп калышат. Ошол учурда апалар "балдарга оору келбесин", "сага келген оору мага келсин" деп боз үйдү айланышкан. Мунун негизги максаты балдарды коргоо, сактоо, ооруну айыктыруу аракети катары карасак болот. "Айланып кетейин" деген сөздүн түпкү маңызы да ошого барып такалат. Ошондой эле бул сөздү апалардын "балдары үчүн жанын берүүгө да даяр" деген да мааниде караса", - дейт Сыртбай Мусаев.

Ошондуктан да "адамды айланба" деп коюшат. Эгерде адамды айлансаң, анда анын оорусу сага оошуп өтөт деп кабыл алышкан.

жаңыланды 17:38 20-09-2020
кошулду 21:47 25-10-2017

Автор: Бекжан Рыскулов

Жазылуу

РУБРИКАДАГЫ СОҢКУ КАБАРЛАР

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 321 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 808 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 514 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 858 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 431 0

19:54 2024-04-26 | СОТТУК ИШТЕР

Тилек Матраимов үй камагына чыгарылды 1299 1

Архив

Комментарийлер (3)

Tymar

2020-09-20 18:25:20

Эн сонун экен. Ыразычылык сиздерге Супер инфо. Кыргыз дуйносу ото корком, табышмактуу, сырдуу, чындык экенин билип журсок эн сонун болот. Ушул сыяктуу кыргыздардын ырым жырымдарын, урп адаттарын, жашоо философиясын КТРКга окшогон чон ТВлар да байма бай коргозуп турушса жакшы болмок. Жараткандан келген оз тилибизди, ырым жырымдарыбызды жок кылбай кармап калалык. Кыргызда коптогон олуя-пайгамбарлар болуп келген. Ошол пайгамбарлардын жашоо осуятын кагаз беттерине тушуруп,

Tymar

2020-09-20 18:31:54

Tymar, жаштар арасында кенири жайылтсак сонун болоор эле. Кыргыздар дайыма Кудайга туз озубуздун ырым жырымдар аркылуу сыйынып, кыргыз тилинде гана шугурчулук келтирип, Кудайдан бата тилешкен. Албетте кыргыздардын батасын, ырым жырымдарын Жараткан дайыма кабыл алган. Жараткан кыргыздын салт санаасын, батасын дайыма урматтап, туз кабыл алган. Кыргыздарга Кудай озу тандап олуя пайгамбарларды жонотуп турган, тилеке каршы ошоллордун улуу осуятын тирилтип, эл арасына жайылталы

Kattaldym

2020-09-21 21:18:25

Тилекке каршы осуятын тирилтип, эл арасына жайылталы де.

Комментарий калтыруу үчүн өз ысымыңыз менен кириңиз же каттоодон өтүңүз.