Бишкек мэри Иса Өмүркулов мыйзамсыз жер сатууга каршы митингге чыккандарды иш бөлмөсүндө сүйлөшүүгө чакырды

Шаар башчысы митингчилердин дооматын угуп, аларга жооп берип жаткан кези

Митинг учурунда Ленин райондук администрациясынын имараты милиция кызматкерлери менен курчоого алынды

Архитектура, курулуш жана турак-жай коммуналдык чарба мамлекеттик агенттигинин директору Каныбек Нарбаевдин сүрөтү илинген куурчак

Мэр Иса Өмүркуловдун сүрөтү куурчактын башына тагылды

Ак-Өргө жаңы конушунун тургуну бала-бакчанын жерине жеке турак-жай курулуп калганына нааразы

Мына ушундай жазуулар менен митингдин катышуучулары акция өткөрүштү

Ленин райондук администрациясынын имаратынын алды

Бишкекте жер тилкелердин мыйзамсыз сатылышына каршы өтүп жаткан митингдин катышуучулары бүгүн, 30-майда саат 15:00дө шаар башчысы Иса Өмүркуловдун иш бөлмөсүндө сүйлөшмөй болушту. Митинг өтүп жаткан жерге келген Иса Өмүркулов алардын нааразычылыктарын угуп, маселелерин чечүү үчүн шашпай сүйлөшүүгө чакырды. Белгилүү болгондой, шаар башчысы менен жолугушканы Ак-Өргөө, Арча-Бешик конуштарынын, 7-8-9-кичи райондордун бир катар тургундары барышмакчы. Айта кетсек, бүгүн Ленин райондук администрациясынын алдында ондогон адамдардын катышуусу менен тынчтык митинги өттү. Аны жаш саясатчы Мавлян Аскарбеков уюштурду.

Автор: Мээрим Жеңишбек кызы
Фото: Мээрим Жеңишбек кызы