Иорданиянын тургуну унаасын чакан мейманканага айлантты

Иорданиянын тургуну Мохаммед Аль Малахим Volkswagen Käfer үлгүсүндөгү унаасын чакан мейманканага айлантты. Бул тууралуу чет элдик басылмалар жазып чыгышты.

Белгилүү болгондой, ал 2 кишилик унаасына оңдоп-түзөө иштерин жүргүзүп, аны чакан мейманканага айланткан. Ага кызы жардам иретинде атайын төшөк, жаздыкчаларды тигип берип, салттуу оймо-чийме жана түркүн түстүү шурулар менен кооздогон. Аль Малахимдин айтуусунда, ал муну менен өз жерине өзгөчөлүк тартуулап, чет элдиктердин көңүлүн бурууну көздөгөн. Ошондой эле унаанын ичин 5 жылдыздуу мейманкананын бөлмөсүнө теңей турганын билдирип, ал жакта түнөө үчүн 40 динар (болжол менен 3800 сом) керектелерин айткан.

Автор: Наргиза Талантбекова