Орусияда бала бакчанын кызматкерлери балдардын дааратканага баруусуна тыюу салып жүрүшкөн

Челябинск облусундагы бала бакчалардын биринде тарбиячылар, бала багуучулар балдардын дааратканага баруусуна тыюу салып жүргөн. Чет элдик маалымат булактарынын жазган маалыматына ылайык, тарбиячылардын мындай "ишин" ата-энелер ачыкташкан.

Балдардын биринин апасы баласы үйгө өтө шашып келип, дароо дааратканага киргенин байкап жүргөн. Баласы "бала бакчада ажатканага барганга болбойт, үйгө кеткенге чейин чыдаш керек" деп айтканынан кийин апасы башка балдардын ата-энелери менен сүйлөшүүлөрдү баштаган. Жыйынтыгында бала бакчанын кызматкерлери балдардын "чоң муктаждыктарын" аткаруусуна тыюу салып жүрүшкөнү белгилүү болгон.

Ата-энелердин бул боюнча суроосуна бала бакчанын тарбиячысы аларга тыюу салынган эмес, балдар бизге дааратканага барары тууралуу айтуудан тартынат деп жооп берген.

"Ал эми бакчадагы бала багуучулар ар бир тайпада жыйырмадан ашык бала бар, ар бирин "тазалоого" жетишпейбиз. Балдар үйүнө чейин чыдаганга көнөт", - деп жооп беришти. Ал эми бала бакчанын директору бул боюнча биринчи жолу угуп жаткандыгын, маселени чечүү үчүн тийиштүү аракеттер көрүлөрүн айтты. Биз азырынча алардын убадасынын аткарылышын күтөбүз", - деген балдардын биринин апасы Тамара Архипова.

Дарыгерлер балдарга "чоң муктаждыктарын" аткарууга тыюу салуу - аларда кооптуу оорулардын жаралуусуна алып келерин билдиришкен. Ал эми психологдор балдар үчүн бул чоң азап экенин, мындай абалга улам-улам тушуккан бала өзүн-өзү эркин алып жүрө албай каларын айткан.

00:42 21-11-2017

Автор: Кызжибек Раимова

Жазылуу

РУБРИКАДАГЫ СОҢКУ КАБАРЛАР

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 167 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 519 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 346 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 623 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 304 0

19:54 2024-04-26 | СОТТУК ИШТЕР

Тилек Матраимов үй камагына чыгарылды 1032 1

Архив

Комментарийлер (8)

Birimdik5555

2017-11-21 00:51:11

Кандай мыкаачылар а,байкуш наристелерди кыйнап

+13

aigulu

2017-11-21 06:16:59

20 баланы тазалап жетишпейбиз дейт, бир кундо, бир убакта 20 баланын баары барбайт го "чон муктаждыктарга".Кандай таш боор адамдар?

engel

2017-11-21 08:21:32

Бир эжем баласын (баласы 3жашта) садикке берейин десе место жок ясли группага убактылуу алышыптыр. Бир куну баласы айтып келиптир "балдардын оозуна бир нерсе тамгызат анан алар уктап калышат, а мага тамгызбайт деп айтыптыр". Эжем ата энелерге эскерткен бойунча баласын алып качты ал садиктен. Дальше эмне болду билбейбыз.

Aznazalai

2017-11-21 08:30:08

engel,Каердин садиги? Россиянынбы?

engel

2017-11-21 10:14:37

Aznazalai, жоок Бишкекте

datkayimjan

2017-11-21 09:11:50

Менин кызымын группасында 60 тан ашык бала бар. Жакшына эле жетишип жатышат. Жыйырмасына жетишпей калышканы тан калыштуу

bella.8712

2017-11-21 10:49:35

Бардык садиктер эле андай эмес.менин кызым барып аткан садикте жакшы карашат Екатеринбургта

ATAIBEKBATURKAN

2017-11-21 13:39:38

Токмокто иним менен келиним деле ушундай маалыматты айтышкан . Балдапы уйуно келгенде шашып дааратканага кирет экен эмнеге десе тарбиячылар дааратканага чонго киргенге балдарга уруксат бербейт экен

Комментарий калтыруу үчүн өз ысымыңыз менен кириңиз же каттоодон өтүңүз.