Дайыр Кенекеев: "Өкмөттүн Таластагы ыйгарым укуктуу өкүлүн кийинки жумада бекитебиз"

Өкмөттүн Талас облусундагы ыйгарым укуктуу өкүлүнө 8 адамдын талапкерлиги каралып жатат. Бул тууралуу бүгүн, 21-ноябрда SUPER.KG порталына вице-премьер-министр Дайыр Кенекеев билдирди.

Анын айтымында, учурда адистердин, иштеп жаткан акимдердин талапкерлиги каралып жатат. Ал кийинки жумада өкмөттүн Талас облусундагы ыйгарым укуктуу өкүлү бекитиле турганын айтты. Бирок Кенекеев кимдердин талапкерлиги каралып жатканын айта албай турганын билдирди.

Эске салсак, буга чейин аталган кызматты Дайыр Кенеекев жетектеп келген. Ал вице-премьер-министр болуп дайындалганына байланыштуу бул кызматтан кеткен.