Чүйдө жол жээгиндеги баш аламан соода-сатыктар иретке келтирилүүдө

Чүй облусунда унаа тыгындарын алдын алуу максатында иш-чаралар өтүп жатат. Бул боюнча облустук ЖКККБ билдирди.

Ага ылайык, бүгүн Бишкек-Алматы-Ташкент айланма жолунун 232-чакырымынын 238-чакырымына чейинки аралыкта төмөнкүдөй жумуштар аткарылды:

Жолдун жээгиндеги курулуштар, баш аламан соода-сатыктар иретке келтирилди;
Жол жээгиндеги тилкелерде мыйзамсыз соода түйүндөрүн, тамактануу пунктуларын, сервистерди, жарнама такталарын курууну иретке келтирүү максатында профилактикалык иш-чара өттү.

Иш-чаранын жүрүшүндө өзүм билемдик менен жол жээгинде мыйзамсыз соода жүргүзгөн жана курулуш курган жарандар аныкталды. Аларга Укук бузуулар жөнүндө кодексинин 179-беренесине ылайык 3000 миң сомдон протоколдор түзүлдү.

Мындан тышкары соодагерлерге түшүндүрүү иштери жүргүзүлүүдө.

Автор: Айжанар Рыспек кызы
Фото: Чүй ЖКККБ