Жалал-Абад. УКМК башкармалыгынын имаратына сүйлөшүүгө кирип кеткен онго чукул митингчи чыга элек

Жалал-Абад шаарындагы аймактык кабарчыбыз Гүлжан Эшбаеванын айтымында, УКМКнын Жалал-Абад облусу боюнча башкармалыгынын тегерегине митингчилер улам топтолууда. Алардын ичинен онго чукул катышуучусу ведомствонун имаратынын ичине сүйлөшүүгө кирип кеткен бойдон чыгыша элек.

"Алар бүгүн эртең менен дайынсыз жоголгон, кийин кармалды делген Медер Үсөновду бошотуу талабын айтып жатышат. Ошондой эле митинг кыйкырыктар менен коштолуп, көтөрө келишкен күйүүчү аралашмасы бар бөтөлкөлөрүн көздөн жашырышууда",- деди Гүлжан Эшбаева.

Автор: Эльвира Караева