Литвада каза болгон Кыргыз жаранынын туугандары изделүүдө

Литвада киши колдуу болуп каза болгон Кыргыз жараны Николай Хлебаевдин туугандары изделүүдө. Бул тууралуу бүгүн, 6-декабрда Тышкы иштер министрлигинин басма сөз кызматынан билдиришти.

"Николай Хлебаевдин сөөгүн мекенине алып кеткенге жакындары табылбай учурда издеп жатабыз. Издөө иштерин биздин элчилик Литванын полициясы менен биргеликте жүргүзүүдө", - деп билдиришти басма сөз кызматынан.

Айта кетсек, 4-декабрда Литвада айдоочу болуп иштеген Николай Хлебаев аттуу Кыргыз жараны токмоктолуп өлтүрүлгөнүн Тышкы иштер министрлигинен кабарлашкан. Кийин министрлик анын өлүмүнө шектүү кармалгандыгын, иликтөө иштери жүрүп жаткандыгын билдиришкен.

Автор: Кенжебай Сатканалиев