Бишкек-Ош унаа жолунда катталган кырсыктын чоо-жайы. Анда милициянын майору үй-бүлөсү менен каза болгон

Бишкек-Ош унаа жолунун 299-чакырымында 7 адамдын өмүрүн алган жол кырсыгында Токтогул РИИБинин майору аялы жана эки баласы менен каза болгон. Бул тууралуу бүгүн, 17-декабрда Жалал-Абад ОИИБинин басма сөз кызматынан билдиришти.

Маалыматка ылайык, жол кырсыгына кабылгандардын бешөөсү Аксы районунун Кызыл-Туу айылынын, бешөөсү Токтогул шаарынын тургундары болгон. Кырсык 16-декабрда саат 19:00 чамасында Бишкек-Ош унаа жолунун 299-чакырымында, Токтогул районунун Торкен айылында катталган. Анда түндүктү карай өз жолу менен бара жаткан Хундай Клик унаасын түштүктү карай бара жаткан Хонда Степвагон үлгүсүндөгү унаа жолдун карама-каршы тилкесине чыгып сүзүп алган.

Белгилүү болгондой, Хундай Клик унаасында Токтогул РИИБинин майору 37 жаштагы Т. уулу Нургазы 2 баласы менен аялын жана дагы бир жүргүнчүнү унаасына салып бара жаткан. Ага карама-каршы багытта бара жаткан Хонда Степвагон үлгүсүндөгү унаасынын айдоочусу 42 жаштагы А.Кубанычбек 4 айылдашын алып бара жаткан. Жол кырсыгынын натыйжасында Хундай Клик унаасынын айдоочусу Т. уулу Нургазы, анын 12 жаштагы кызы Мырзагүл, 10 айлык баласы Бекмырза, жубайы Ж.Эльнора жана жүргүнчү болуп бара жаткан 54 жаштагы С.Б аттуу аял каза болгон. Ошондой эле Хонда Степвагон унаасынын айдоочусу А.Кубанычбек жана жүргүнчүсү 51 жаштагы Д.Касымкожо каза болгон.

Андан сырткары Токтогул аймактык ооруканасына Хонда Степвагон унаасынын 3 жүргүнчүсү Аксы районунун Кызыл-Туу айылынын тургундары 23 жаштагы Э. кызы А., 32 жаштагы К.С, 38 жаштагы Э.М оор жаракат менен жаткырылган.

Автор: Кенжебай Сатканалиев

13:29 17-12-2017

Жазылуу

РУБРИКАДАГЫ СОҢКУ КАБАРЛАР

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 383 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 603 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 1610 0

19:03 2025-06-20 | Спорт

Вьетнамда кыргыз балбан кызы Азия чемпиону болду 685 0

19:00 2025-06-20 | Бизнес-Инфо

ОСАГО 20% чейинки кешбэк менен — «Мой О!» супераппында тез жана ыңгайлуу 222 0

18:05 2025-06-20 | Түркүн дүйнө

Казакстанда 10 жаштагы баланы жаңы сейил багындагы чырактан ток урду 697 0

Архив

Комментарийлер (31)

kanykei12

2017-12-17 14:57:58

оң рулдуу унааларды айдоого руксат бербөө керек ушуну дагы токтото алышпайт

Medinaa

2017-12-17 15:16:05

Оо Кудай!күнөөлөрүн кечире көр.Самолёт менен гана каттай турган болду го!

meni_kut

2017-12-17 15:34:17

Ош-Ноокат жолунда каттаган стептерди да жок кылыш керек,учуруп айдашат.

Dalil

2017-12-17 15:35:32

Эки айдоочу тең А Кубанычбек экен. Жаткан жерлери жайлуу болсун. Качан бизде жол эрежелерине каттуу тартип кирет. Тажикстанда ылдамдыкты ашыруудан коркушат себеби аларда мыйзам иштейт. Биздегидей 200-300 сом берип кутула алышпайт.

-6

zzari-83

2017-12-17 15:48:02

Жол кырсыгынан кырылып бүтмөй болдукко.Ушул Степ унааларын киргизүүнү токтотуу керек.Коркпой обгон кылышат өзү да,айдоочунун да күнөөсү бар

Emir007700

2017-12-17 16:16:34

Аллахым бейишин берсин

ularik_kg

2017-12-17 17:07:00

Степ айдаган машиналарды запрет кылгылачы эртерек

Rasul94

2017-12-17 17:55:03

эхх журогум тилинип жаман болуп атам.

jetigen90

2017-12-17 19:35:53

Каза болгон уй було менин туугандарым болот. Жакында эле чон атасы каза болгон ошонун кыркылыгынан кетип жатып ушундай иш болуптур. Каза болгон жургунчу женеси болот. Жакшы адамдар эле. Жаткан жерлери жайлуу болуп Кудайым бейишин берсин!

Targarien

2017-12-17 21:10:18

Машина алыштан да коркуп калдым

KUBI

2017-12-17 23:11:57

Targarien, машина алсан степ вегон ал.

-2

jbolotov

2017-12-17 22:46:50

Ооруканада абалы оор болуп жаткандарга Аллах шыфаа берекор, жакшы болуп кетишсин.

nurgaaky

2017-12-17 23:58:30

jbolotov,ООмийн менин классташым келини экоо жатат ооруканада оор абалда. Туугандар дуа кылып Аллахым шыфаасын берсин дейли ошолорго.

barsbek.04

2017-12-17 23:14:04

окмот тезинен он рульдуу автоунаалар менен такси кылганды бироотоло токтотуш керек болбосо дагы кырсыктар уланат

Bubu

2017-12-18 12:20:53

Аллахым жайларын жаннатта кылсын, куноолорун кечирсин, ооруканадагыларга шыпаа берсин.

anara-anara

2017-12-18 12:48:50

Степвагон болбой эле смерт вагон болуп атат. Жок кылыш керек закондуу турдо. Бир бала томолой жетим калды. Гулгундой болгон уй було жок болду. Ойлон айдоочу......

Nice0101

2017-12-19 11:48:50

Элеонора эже жонундо ким билсе, маалымат берип койгулачы сураныч ото маанилуу,абалы оорбу же отуп кеттиби?

Комментарий калтыруу үчүн өз ысымыңыз менен кириңиз же каттоодон өтүңүз.