Бишкек ШИИББи: "Дилшат Кангелдиеванын арызынын негизинде кылмыш иши козголду"

Ырчы Дилшат Кангелдиеванын арызынын негизинде Кылмыш-жаза кодексинин 164-беренеси (уурулук) менен кылмыш иши козголду. Бул тууралуу бүгүн, 19-декабрда Бишкек ШИИББинин маалымат кызматы SUPER.KG порталына билдирди.

Маалыматта айтылгандай, ырчынын арызы каттоого алынып, ыкчам иликтөө иштери жүргүзүлгөн.

"Свердлов райондук ички иштер бөлүмүнө Бишкек шаарынын тургуну Дилшат Кангелдиевадан арыз түшкөн. Анда арыз ээси токтотулуп турган Тойота Харриер үлгүсүндөгү унаасынын терезе, эшиктерин белгисиз адамдар сындырып, ичиндеги буюмдарын уурдап кеткендигин жазган. Мындан тышкары ал 35 миң сом өлчөмүндө чыгымга учураганын белгилеген. Бул факт боюнча материалдар топтолуп, иликтөө иштери жүрүүдө", - деп айтылат маалыматта.

Буга чейин ырчы айым жеке баракчасына унаасынын эшик, терезелери сындырылып, буюмдары уурдалгандыгы тууралуу жазгандыгы маалымдалган. Мындан тышкары ал бул боюнча милицияга кайрылып, алардын кебелбеген мамилесине туш болгондугун белгилеген.

Бишкек ШИИББи Кангелдиеванын интернетке жазган билдирүүсү боюнча 17-декабрда кызматтык териштирүү башталгандыгын кошумчалады.

Ал эми ырчы Дилшат Кангелдиева 500 доллардай чыгымга учураганын, бирок милиция муну "майда иш" деп көңүл бурбай жаткандыгын SUPER.KG порталына билдирген.

"Окуя 16-декабрда кечинде болду. Мен унаамды токтотуп, курбумдун үйүнө кирип кеткем. Телефон номеримди дайыма унаамдын алдынкы терезесине калтырып кетем. Мага чалып унааңызды талкалап кетишиптир дешти. Чыксам терезесин, эшигин талкалап жаңы тигилген кече көйнөктөрүмдү уурдап кетишиптир. Унааны калыбына келтирүү да чыгым. Милицияны чакырып, 2 саатка жакын күттүм, келбегенде терезелери сынган машинамды айдап барып, алардын кайдыгер мамилесине туш болдум. Милициянын айтымында, бул "майда иш" экен. Бирок бардык нерсе майдадан башталат, коомчулук, милиция бул көрүнүшкө көз жумсак мындай кылмыштар көбөйөт, чоң кылмыштар жасалат. Андыктан мен милициянын артынан түшүп болсо да бул иштин аягына чыгарам", - деп билдирди Дилшат Кангелдиева.

Автор: Кызжибек Раимова

17:18 19-12-2017

Жазылуу

РУБРИКАДАГЫ СОҢКУ КАБАРЛАР

21:08 2025-06-20 | Коом жана турмуш

Бишкекте жаңы асфальт басылган жолдон уруксатсыз өткөн унаалардын видеосу тарады 383 0

20:31 2025-06-20 | Түркүн дүйнө

Ирандын өкүлү Европадагы үч өлкөнүн министрлери менен жолугуу үчүн Женевага барды 603 0

19:36 2025-06-20 | Кылмыштар, кырсыктар

Баткендиктерди кемсинтип видео тараткан жаран кармалды (видео) 1610 0

19:03 2025-06-20 | Спорт

Вьетнамда кыргыз балбан кызы Азия чемпиону болду 685 0

19:00 2025-06-20 | Бизнес-Инфо

ОСАГО 20% чейинки кешбэк менен — «Мой О!» супераппында тез жана ыңгайлуу 222 0

18:05 2025-06-20 | Түркүн дүйнө

Казакстанда 10 жаштагы баланы жаңы сейил багындагы чырактан ток урду 697 0

Архив

Комментарийлер (11)

islamik

2017-12-19 17:32:15

Эшигине айда депкойгонбу

-1

meni_kut

2017-12-19 17:48:59

islamik,Аида деп койгонбу

-1

barakcha

2017-12-19 21:05:02

islamik,анда деп койуптур.машиненди албасан анда мына дегени го?)

Aizattt

2017-12-20 17:20:09

islamik,жууп койсо боло аял киши экен

sunai

2017-12-19 17:34:15

Туура кыласыз мен сизди колдойм,менда ушундай учурга туш болгонмун милициялардын кайдыгерлигинен улам жоготкон нерсемди таба албай калгам болбосо ага тиешелуу баардык документтерим бар болчу,кимге арызданышымы билбейм ыйлап ыйлап кала бергем,ошолор таап берет деп ишенип барсам алардагы бутунан башына чейин карабатса тоготпогондой кайда барабыз билбейм

gute

2017-12-19 17:34:33

Интернеттин пайдасы эгер Дилшат Кангелдиева Интернетке чыгарбаганда. Бул иш козголмок эмес. Милицияларга ушундай мамиле жарашат

+11

ady-88

2017-12-19 18:29:21

Милицияда иштегендер эч бир кыймылдап койоюн дебейт. Меесинин баары эле акча бодуп калган.

aknazar-aksy

2017-12-19 22:37:34

Ии жаман болгон экен. Ушундай да болобу

Kirajsjk

2017-12-19 23:41:35

Bashtan ottugo..milisiyalar orondop shildindap soo joop berishpeit,kebetene kiyimine akchana karap mamile kilishat,milisiya vrachtin kozun karatpasin.

Malik92

2017-12-20 04:37:33

Бул иттер буйрук менен иштешет фас деп жогорудан айтылса жүгүрүшөт.

madina.87

2017-12-20 05:04:52

Жаман иш болуптур,бироонун мээнети менен тапканын уурдап алып,акыретте кантип жооп берээр экенсинер.

Комментарий калтыруу үчүн өз ысымыңыз менен кириңиз же каттоодон өтүңүз.