Кардын калың түшүшү жана катуу шамал Чүй жана Талас облустарында электр жарыгынын өчүрүлүшүнө себеп болду

Суу кардын калың түшүшү жана шамал Чүй жана Талас облустарынын электр жарыгынын өчүрүлүшүнө себеп болду. Бул тууралуу SUPER.KG порталына "Түндүк электр" Ачык акционердик коомунун басма сөз кызматы билдирди.

"27-декабрга караган түнү калың кар түшүү Чүй облусундагы Токмок шаарынын, Чүй, Ысык-Ата, Аламүдүн, Сокулук, Жайыл, Москва, Панфилов райондорунун жана Талас облусундагы Манас, Кара-Буура райондорунда электр жарыгынын өчүрүлүшүнө алып келди. Жааган кардын салмагын бак-дарактардын бутактары сынып, электр чубалгыларын үзүп кеткен учурлар катталды. Ошондой эле түн ичинде жүргөн катуу шамалдан улам электр чубалгылары бири-бирине чалынып калган. Натыйжада ток өткөрүүчү жана көмөк чордон жабдууларынын бузулушуна алып келген", - деп маалымдады басма сөз кызматы.

Учурда “Түндүк электр” ААКсынын 128 электр куроочулар бригадасы өчүрүлгөн участоктордун электр энергиясын калыбына келтирүү иштерин жүргүзүүдө.

Автор: Нурсултан Нурболот уулу
Фото: Интернеттен алынган