Кыргызстанда жылына 20 миңдей студент ЖОЖду бүтүрөт

Кыргызстанда жылына 20 миңге жакын студент жогорку окуу жайын бүтүрөт. Алардын ичинен мугалимдер менен дарыгерлер жумушка дароо орношот. Бул тууралуу ЖКнын 5-июндагы жыйынында Билим берүү жана илим министрлигинин өкүлү айтты. Мындан сырткары, айрым депутаттар келишимдик негизде окуган студенттер окуу акысынын 30 пайызын окуп жаткан учурда, калган 70 пайызын кийин жумушка орношкондон кийин төлөтүү тууралуу сунуш айтышууда. Айта кетсек, учурда Кыргызстанда 52 жогорку окуу жайы бар.

Автор: Мээрим Жеңишбек кызы