Ирандын мурдагы президенти Ахмадинежаддын нааразычылык митингдерин колдогон деген айып менен камакка алынганы маалымдалууда

Ирандын мурдагы президенти Махмуд Ахмадинежад нааразычылык акцияларын уюштурууну колдогон деп айыпталып камакка алынды. Бул тууралуу маалыматты "Аль-Кудс аль-Араби" деп аталган, Лондондо басылып чыккан Араб гезити жазып чыкканын чет элдик басылмалар жазууда.

Эскерте кетсек, 28-декабрда Ирандын ири шаарларында өкмөткө каршы массалык баш аламандыктар башталган. Анда 20га жакын адам каза болуп, 450 адам камакка алынган.

Маалыматка караганда, 28-декабрда Ахмадинежад Бушир шаарында эл алдында сүйлөп жатып Ирандын азыркы бийлигине сындаган сөздөрдү айткан.

"Азыркы лидерлердин айрымдары карапайым калктын көйгөйлөрүн билбейт, коомдун чыныгы абалынан кабардар эмес", - деген ал. Мындан тышкары Ахмадинежад азыркы президент Хасан Роуханинин өкмөтү бар нерсени да сактап кала албай, мамлекетти начар башкарып жатат деген.

Мурдагы мамлекет башчысынын бул сөздөрү аны бийлик тарабынан кармоого түрткөн. Ал үй камагына чыгарылышы мүмкүн.

28-декабрда өлкөдөгү жумушсуздук менен кымбатчылыкка нааразы болуп акцияга чыккан элдин талабы кийин өкмөттүн кетүүсүнө өзгөргөн. Ошол эле учурда өкмөттү колдогондордун тынчтык митинги да өтүп, чогулгандар "АКШга кызмат кылгандарга уят!", "Коррупционерлер жазаланышы керек" деген ураан менен турушкан. Буга чейин Ирандын калк башчысы Хасан Роухани бул митингдерди өлкөнүн ички саясатына башка өлкөлөр киришип, уюштуруп жатат деп билдирген.

Автор: Кызжибек Раимова

15:23 07-01-2018

Жазылуу

РУБРИКАДАГЫ СОҢКУ КАБАРЛАР

14:34 2025-05-01 | Түркүн дүйнө

Бразилияда дүйнөдөгү эң кары адам каза болду 211 0

14:24 2025-05-01 | Супер-Инфо

Эсенгелди Жумакунов: «Занзибар аралынын тамак-ашына көнө элекмин» 74 0

14:12 2025-05-01 | Коом жана турмуш

Бүгүнкү майрамга карата "Ала-Арча" сейил багына кирүү акысыз болот 112 0

13:44 2025-05-01 | Кылмыштар, кырсыктар

Бишкекте тергөөчү пара алууга шектелип кармалды 272 0

13:30 2025-05-01 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 2866 0

13:27 2025-05-01 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 841 0

Архив

Комментарийлер (5)

ALATOOLUK.JIGIT

2018-01-07 15:35:26

Иранда ички саясий абал чынында кандай экенин билбейм,бирок Ахмадинежадтын пикирин,тандоосун колдойм.

gute

2018-01-07 16:24:37

Элин башкара албаган талап тоногондор жана мамлекетти онуктуро албаган бийликти кетириш керек.

Sonyasonya

2018-01-07 16:40:42

Алтындарым,башка олконун саясатын талкуулаганды бизге ким коюптур?! Озубуздун бийлигибизди билип алалычы,коррупцияга моюнуна чейин баткан

gute

2018-01-07 16:50:39

Sonyasonya, Биздин бийликти деле талкуулап атып тилибиз тешилип бутмой болду толк чыкпаса не кылабыз эми. Акыркы кундору Талкуулагандан деле коркуп калдык Талкуулагандарды камап, кубалап жатса.

Akjolmaga

2018-01-07 17:54:49

Sonyasonya,
Алтындарым, кудай буюрса кыргызстанды сатып жок кылам болуп ататко биздики

Комментарий калтыруу үчүн өз ысымыңыз менен кириңиз же каттоодон өтүңүз.