"Бишкекте ооруканада ата-энелер ымыркайлары менен беш сааттап кезек күтүүдө", - деп бүгүн, 11-январдагы Жогорку Кеңештин жалпы жыйынында депутат Акылбек Жамангулов айтты. Эл өкүлү өкмөттүн өкүлүнө кайрылып, айрыкча күз, кыш мезгилинде ооруканаларда кошумча бөлүмдөрдү ачуу маселесине көңүл бурууга чакырды.
"Инфекциялык ооруканада күзгү, кышкы убакытта кичинекей ымыркайлары менен ата-энелер коридорлордо дарыланууда. Балдарын алып барган ата-энелер 5 сааттап кезекте турушат. Бул маселе социалдык тармактарда сүрөт, видеолору менен тынымсыз көтөрүлүп жатат. Мен өзүм да буга күбө болдум. Саламаттыкты сактоо министрлиги буга көңүл бурбай келет. Ошондуктан күз, кыш мезгилинде өкмөт бул тармакка көңүл буруп, кошумча бөлүмдөрдү ачуу жагын карашы керек", - деди Жамангулов.