Акыйкатчы институту баласын ичке тепкен жарандын кылмыш жоопкерчилигинен бошоп кетиши боюнча прокуратурага кайрылат

Кыргыз Республикасынын Акыйкатчысы Кубат Оторбаев Октябрь райондук сотунун өз баласын ичке тепкен атаны жоопкерчиликтен бошотуп жибергенине нааразычылыгын билдирди. "Баласын тепкен атаны коё бериши - соттун адилетсиздиги", - дейт омбудсмен.

Жакынкы күндөрү Акыйкатчы институту Бишкек шаардык прокуратурасына баласын тепкен ата Бариер Адиевдин жоопкерчилигин көзөмөлдөөсүн сурап кат түрүндө кайрылуу жасамакчы.

Белгилей кетсек, 10-январда сот Чыңгыз Адамкулов Адиевдин үстүнөн козголгон кылмыш ишин токтотуу боюнча чечимин чыгарган. Ал өлкө аймагынан сыртка чыкпоо талабы менен сот залынан бошотулган болчу.

"Ал тургай баланын апасы дагы тосмо арыз жазып бериптир. Сот бул учурда баланын кичинекей жана алсыз экенин эске алышы керек болчу. Бул себептен Акыйкатчы институту баланын укугун коргоп, жакын арада шаардык прокуратурага кат жолдойбуз. Прокуратурадан окуянын алкагында мыйзамдуулукту жана адилеттикти орнотууну, баласына катаал мамиле жасаган ата тийиштүү жазасын алышын камсыздоону сурайбыз", - деди Оторбаев.

Акыйкатчынын айтымында, балдарга байланыштуу козголгон кылмыш иштерин тергөө жана сот иштери жүрүп жаткан учурда мыйзамдагы мүчүлүштүктөр байкалат. Мындай учурлардан улуулар пайдаланып кетип жатышат деген пикирде.

"Тилекке каршы, сот иштеринде баланын атынан катышып жаткан ата-энелер, асыроочулар жана башка туугандары ар дайым эле жабыр тарткан баланын тарабын ала беришпейт. Буга байланыштуу токтотулуп калган иштерди изилдеп чыгып, атайын доклад даярдадык. Биз жүргүзгөн анализдин негизинде көпчүлүк кылмыш иштери тергөө учурунда эле же сотко жеткенден кийин токтотулуп калганын аныктап чыктык. Алардын дээрлик баары баланын физикалык жана психологиялык алсыздыгын эске албастан, алардын пикирин жана жаш бала экенин эсепке албастан, ата-энелер өздөрү тосмо арыз жазып берип койгондон токтотулган", - дейт акыйкатчы.

Анализденген материалдын алкагында Акыйкатчы институту Жогорку Кеңешке жиберүү үчүн норма иштеп чыккан. Нормада балдарга байланыштуу тиешелүү мыйзамдарга жана мыйзам актыларына өзгөртүүлөрдү киргизүү сунуштары каралган.

Автор: Гүлжан Асанкожоева

20:57 11-01-2018

Жазылуу

РУБРИКАДАГЫ СОҢКУ КАБАРЛАР

15:48 2025-07-12 | Саясат

Бишкекте белгилүү кафелердин ордуна салынып жаткан аренанын курулушу кызуу жүрүүдө 109 0

15:03 2025-07-12 | Түркүн дүйнө

Зеленский Украинадагы түнкү кырдаалды айтты 591 0

14:28 2025-07-12 | Түркүн дүйнө

Кумар оюндарына катышкан 16 аткаминер кызматтан кетти 789 0

13:48 2025-07-12 | Түркүн дүйнө

АКШнын Мамлекеттик департаментинен 1000ден ашуун кызматкер иштен бошотулду 452 0

13:36 2025-07-12 | Кылмыштар, кырсыктар

Милиция Эркиндик бульварындагы жаңы көчөттөрдү сындырган эргулду кармады 975 0

11:46 2025-07-12 | Коом жана турмуш

Ташиевдин жыйынынан кийин Ноокатты гүлдөтүү аракети башталды (видео) 1355 0

Архив

Комментарийлер (4)

FIFA7

2018-01-11 21:07:31

Туура кылат. Айбанда баласына мееримин аябайт, бирок бул жерде аялын оз адамдары аркылуу коркуттуртуп, тосмо арыз жаздырткан бул ахмак.

nuriyaeljan

2018-01-11 22:29:27

Койгулачы э биз атабыздан тепки муш чыбык жеп эле чонойгонбуз эмиле каяктагы демократия деп уйронуп алып

-1

Birimdik5555

2018-01-11 23:19:51

nuriyaeljan,тепки жесен ичине жегенсинби,алар оорубаган жерине кичине эле коркутуп коюшу мумкун,а бул баласын ичине,бойрогуно куч менен тээп жатпайбы?

Arlenchik

2018-01-11 23:59:37

Акыйкатчы баштаган иштин аягына чыгыныз, туура маселени козгопсуз, албетте тиги акмак жазасын алыш керек, саткын соттор сатылдыда дагы, тосмо арыз жазганына карабай кичинекей наристени кордогон учун мыйзам чегинде жазасын алыш керек.

Комментарий калтыруу үчүн өз ысымыңыз менен кириңиз же каттоодон өтүңүз.