Сауд Арабия Кыргыз өлкөсүнө ажылык сапар үчүн 5400 квота берди. Бул тууралуу бүгүн, 18-январда Кыргыз мусулмандарынын дин башкармалыгынан билдиришти.
"Кыргыз мусулмандарынын дин башкармасы 2018-жылдагы ажылык иштерге даярдыктарды көрүп, ажылык иштерин электрондоштуруу максатында жарандарга биометрикалык паспорттун негизинде каттоо жүрө тургандыгын эскертип, биометрикалык паспорт алууга чакырат", - деп айтылат муфтияттын маалыматында.
Айта кетсек, 2017-жылы Сауд Арабиясынын Ажылык министрлиги Кыргыз мамлекетине 4885 квота бөлүп берген.