Марс Матисанов, жабырлануучу: "Ата журтчу" 3 депутатка дооматым жок"

Жабырлануучу Марс Матисанов (чаар көйнөкчөн)

УКМКнын 9-кызматынын дагы бир кызматкери суралууда

Бишкек шаардык сотунда “ата журтчу” 3 депутат боюнча кезектеги сот иши уланып жатат. Жабырлануучу катары суралып келген УКМКнын 9-кызматынын кызматкери Марс Матисанов айыпталуучуларга дооматы жок экенин айтты. “Мен ал күнү Ак үйдүн батыш тарабындагы өткөрмө пунктта тургам. Бир маалда митингчилер келишип, шлагбаумдан ашып кире баштаганда шлагбаумдун үстүнө жатып алдым. Ошол маалда менин оң колума бирөө катуу темир менен урду. 20 күн колумду таңып жүрдүм. Бирок айыпталып жаткан депутаттарга эч кандай дооматым жок”,- деди Матисанов. Айта кетсек, бүгүнкү сот процессинде жабырлануучу УКМКнын кызматкерлери сурак беришүүдө.

Автор: Мээрим Жеңишбек кызы