Салянованын коомдук жактоочусу: "Соттук материалдар 12 томдон турса, көпчүлүгүнүн ишке тиешеси жок"

Бүгүн, 5-февралда Бишкек шаардык сотунда депутат Аида Салянованын соту уланып, тараптар жарыш сөздөрүн айтышты.

Түштөн кийинки отурумда прокурорлордун жарыш сөзүнөн кийин кезек депутаттын коомдук жактоочусу Рабига Сыдыковага жетти. Ал соттук материалдар 12 томдон турса, көпчүлүгүнүн ишке тиешеси жоктугун айтты.

Иш убактысы бүтүп калгандыгына байланыштуу соттук жамаат ишти кароону 6-февралга жылдырып, анын сөзүн угуу менен улантмай болду.

Иш Ленин райондук сотунда каралып жатканда судья Кубанычбек Касымбеков Сыдыкованы "материалга тиешеси жок сөздөрдү сүйлөп жатат" деген негизде жарыш сөздөн четтетип салган. Ал сөзүндө депутатка кылмыш ишин ачуудагы кемчиликтерди атаган. Тактап айтканда, коомдук жактоочунун айтымында, депутатка кылмыш иши 2016-жылдын 26-декабрында козголсо, андан 11 күн мурун Салянова күбө катары суракка чакыртылып көрсөтмө берген.

Бүгүнкү отурумда жактоочу Чынара Жакупбекова шаардык соттон райондук соттун чечимин жокко чыгарып, Салянованы актоо өтүнүчүн келтирген. Ал эми мамлекеттик айыптоочулар райондук соттун чечимин жокко чыгарып, депутатты 8 жылга эркинен ажыратуу менен мүлкүн мамлекеттин эсебине алууну суранышкан. Мамлекеттик айыптоочулардын айтымында, райондук соттун чечими жумшак чечим болуп калган. Прокурор сот өкүмү анын 2 жаштагы наристеси 14 жашка толгонун күтпөстөн дароо күчүнө кириши керектигин белгилеген.

Эскерте кетсек, Салянова "Юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталып, 2017-жылдын 10-октябрында Ленин райондук соту тарабынан күчөтүлгөн тартипте 5 жылга эркинен ажыратылган. Сот өкүмү анын 2 жаштагы наристеси 14 жашка толгондо күчүнө кирет. Бул чечимге нааразы болгон Салянова шаардык сотко даттанган. Андан кийин Башкы прокуратура да арыз берген.

Автор: Жамалидин Парманкулов

19:06 05-02-2018

Жазылуу

РУБРИКАДАГЫ СОҢКУ КАБАРЛАР

23:52 2025-06-19 | Түркүн дүйнө

АКШ менен Иран бийлигинин ишенимдүү адамдары телефон аркылуу байланышты 982 0

23:15 2025-06-19 | Кылмыштар, кырсыктар

Бишкекте скутерди башкарып бара жаткан жигит кулап, унаа тебелеп кетти (видео) 1157 0

22:34 2025-06-19 | Спорт

41:0. Кыргыз балбаны бир дагы упай алдырбастан Азия чемпиону болду 1243 0

21:43 2025-06-19 | Кылмыштар, кырсыктар

Кыз талашып... Базар-Коргондо айдоочулардын пикир келишпестиги атышууга чейин жетти (видео) 1773 0

21:12 2025-06-19 | Түркүн дүйнө

Путин менен Си Цзиньпин Жакынкы Чыгыштагы кырдаал боюнча сүйлөштү. Эмне кеп? 1317 0

20:56 2025-06-19 | Коом жана турмуш

Папанда үч көчө асфальтталып, пайдаланууга берилди 574 0

Архив

Комментарийлер (4)

NURSAPAR

2018-02-05 19:10:16

Саляновага эркиндик!!!!...

-3

Krai

2018-02-05 22:07:40

Бироого ор казсан кененирээк каз
Кийин озун баткандай болсун деп...
Бекеринен кыргыз элим айткан эмес
Убагында Мелис Мырзакматовду кандай соттодун эле... табалабайм бирок тообо келтирем

Rifle_I

2018-02-06 08:40:36

Krai,Мелис Мырзакматов азыр каякта ?

Kuyoo_bala

2018-02-06 00:09:21

12 том дейби...Манас жолдо калыптырго атангоруууу

Комментарий калтыруу үчүн өз ысымыңыз менен кириңиз же каттоодон өтүңүз.