Швейцариялык компания "Мегакомду" сатып алганы жатат

"Мегакомду" сатып алуу боюнча швейцариялык "ALF Consulting SA" компаниясынан сунуш түштү. Бул тууралуу Мамлекеттик мүлктү башкаруу фондунун басма сөз кызматы кабарлады.

Маалым болгондой, 6-февралда аталган чет өлкөлүк компаниянын каржы директору Мария Гамерданжеден кат келди. Анда компания "Мегакомдун" 100 пайыз акцияларын сатып алууга кызыкдар экенин билдирет. Учурда Маммүлктү башкаруу фонду "ALF Consulting SA" боюнча маалымат топтоп жатканын маалымдады.

Ачык булактарга таянсак, "ALF Consulting SA" компаниясы 2004-жылы түзүлгөн, кеңсеси Швейцариянын Женева шаарында жайгашкан. Анда 5 штаттык кызматкер иштеп, чакан уюм деп саналат. Компания менеджмент тармагында кеңеш берүү боюнча кызматтарды көрсөтөт. Жылдык кирешеси болжол менен 1 миллион долларды түзөт.

Буга чейин 19-январда "Мегакомдун" 100 пайыз акцияларын сатып алууга кызыкдарлыгын "Ака минералз энд майнинг" компаниясы билдирген. Бул компания "Акылдуу шаар" долбоорун "Huawei" менен биргеликте ишке ашырмакчы.

Айта кетсек, "Мегакомдун" менчикке сатылары 2015-жылы чечилген. Андан бери компанияга инвестор табылбай, аукцион аркылуу сатуу үч аракетте да ишке ашкан жок. Аукциондон аукционго жылган сайын "Мегакомдун" баасы арзандаган. Алгач баштапкы баа 19 миллиард 700 миллион сом болсо, экинчи аракетте 14 миллиард 255 миллионго түшкөн. Үчүнчү жолкусунда 13 миллиард 500 миллион сом деп коюлган. Аукцион аркылуу сатуудан майнап чыкпагандыктан өкмөт "Мегакомдун" 100 пайыз акцияларын түз сатуу чечимин кабыл алган.

Мамлекеттик мүлк башкаруу фонду "Мегаком” компаниясын сатып алам деген орусиялык ишкер Елена Нагорная менен сүйлөшүүлөрдү токтоткон. Мекемеден түшүндүрүшкөндөй, тараптар эки жакты тең канааттандырган шарттарга жете алышкан жок.

2017-жылы 20-ноябрда жыйынтыктоочу маалымат жыйынында экс-президент Алмазбек Атамбаев "Мегаком" компаниясынын баасын дагы түшүрүш керек" деген пикирин айткан. Анын ою боюнча "Мегакомдун" баасын дагы 20-30 пайызга түшүрүүгө болот. "Ким көп берсе, ошого сатыш керек. Акчаны "Коопсуз шаар" долбоорун ишке ашырууга жумшаш керек" деген Атамбаев.

Автор: Нургазы Аматов

15:14 06-02-2018

Жазылуу

РУБРИКАДАГЫ СОҢКУ КАБАРЛАР

19:32 2025-06-30 | Кылмыштар, кырсыктар

Ысык-Көлдө наркы 20 миллион сомдон ашык жер мамлекетке алынды 83 0

19:15 2025-06-30 | Коом жана турмуш

Ташиев өлкө экономикасынын өсүшү мурдагы СССР мамлекеттеринин ичинен биринчиге чыкканын айтты (видео) 264 0

18:58 2025-06-30 | Коом жана турмуш

Ташиев: "Мыйзам бузган аткаминерлерге каарыбызды, элибизге мээримибизди төгөбүз" (видео) 275 0

18:40 2025-06-30 | Саясат

Садыр Жапаров Тажикстандын тышкы иштер министрин Чолпон-Атада кабыл алды 208 0

18:33 2025-06-30 | Түркүн дүйнө

Ирандын соккусунан Израилде 31 миң имарат жабыркаган 534 0

18:26 2025-06-30 | Коом жана турмуш

Камчыбек Ташиев: "Биздин дагы убактыбыз бүтөт" (видео) 902 0

Архив

Комментарийлер (8)

buran12

2018-02-06 15:23:18

Сат Сат Сат саааааат сатып акчасыны 120нар болуп алгыла урушбай талаш байы! !!

Asiet

2018-02-06 15:26:33

Тушунбойм, чиновниктерди. Мегаком кыргыздарга кызмат кылып турса болбойбу, созсуз сатыш керекпи? Сатат экен деген созду уксам нервим кашая турган болду го

Azamatisatoroev

2018-02-06 15:26:50

Сааааааат барын ак уйду кошо саткыла 120депутатты кошо сатып ийгилечи тойбостор

+12

vavilon.

2018-02-06 15:29:27

Ошону мамлекет озу иштетсе эмне болот? Эч нерсе калбадыго сатылбаган.

Bolunbo.kyrgyz

2018-02-06 15:40:23

Кыргыздар даяр компания турса колдоно албайбыз анан онугуп Швейцарияга тен келет экенбиз

Bektur.osh

2018-02-06 16:09:48

макул,саттынарам дейли анан не болот?
жакшы О! менен Билайн сатылбайт экен

Atas

2018-02-06 16:14:11

Bektur.osh,О ! казактардыкы билайн орустардыкы да

Arlenchik

2018-02-06 20:03:29

ХХХХ! бут баарын сатып бутмой болдунар го, тойбостор даяр турган компанияны иштете албай жатасынар, казынасына кол салбай иштей турган адамды койсонор сонун эле иштемек, саткан мн ал каражат баарибир казынага тушпойт,андан коро мамлекеттин балансына коюп койгула, иштебеседа тура берсин мулк болуп,жаман кыжырга тийип атасынар! алып чыгып баарыды бирден ХХХХ жегичтер! жалпы коомчулук ушундай нерселерди чонталкуу кылып мамлекеттин мулкторун саттырбаганга аракет кылбайлыбы

Комментарий калтыруу үчүн өз ысымыңыз менен кириңиз же каттоодон өтүңүз.