Бишкекте кан тапшыруу боюнча акция өтөт

14-июнда саат 9:00дөн 14:00гө чейин республикалык кан борборунда кан тапшыруу боюнча акция өтөт. Бул тууралуу Саламаттыкты сактоо министрлигинин басма сөз кызматы билдирди. Иш-чаранын максаты - канга муктаж болгон адамдарга жардам берүү жана дайыма кан тапшырып жүргөндөргө ыраазычылык билдирүү болуп саналат. Бүгүнкү күндө Кыргызстанда 1000 адамга 6 донор туура келет. Ал эми канга болгон муктаждыкты толук камсыздоо үчүн жылына 1000 адамга 40 донор керек. Республикалык кан борбору адамдардын ден соолугуна кайдыгер карабаган бардык жарандарды акцияга катышууга чакырат.

Автор: Ширин Жумадилова