Журналист Элнура Алкановага эки берене боюнча кылмыш иши козголду

Журналист Элнура Алкановага эки берене боюнча кылмыш иши козголду. Бул тууралуу бүгүн, 13-февралда SUPER.KG'ге журналист өзү билдирди.

Анын айтуусуна караганда, ага Экономикалык кылмыштарга каршы күрөшүү боюнча мамлекеттик кызматы иш козгоп, айыбы угузулган.

"Мага кылмыш иши 2017-жылдын 18-декабрь күнү козголгон. Андан бери эки ай өттү, бирок мага бүгүн гана 2 берене менен айыбым угузулду. Ага ылайык, мага 193-берене (коммерциялык же банктык жашыруун сырды түзгөн маалыматты мыйзамсыз алуу) жана 194-берене (коммерциялык же банктык жашыруун сырды таратуу) менен айып коюлду. Учурда иш Бишкек шаардык прокуратурасына өткөрүлүп берилиптир", - дейт Алканова.

Ал Бишкек шаарынан чыкпоого милдеттендирилгенин кошумчалады.

Өткөн жылдын 18-декабрында Башкы прокуратура анын журналисттик материалы боюнча иликтөө жүргүзүп, "Кызматтык абалынан кыянаттык менен пайдалануу" жана "Менчиктештирүү, салыктык, бажылык же лицензиялык-уруксат берилген ишти жүзөгө ашырууда кызмат абалын мыйзамсыз пайдалануу" беренелери боюнча кылмыш ишин козгогон.

Айта кетсек, Фергана.ру веб-сайтынын басылмасында "Бишкектеги "Идеал Хаус" VIP-шаарчасынын сатылышы боюнча чырлуу бүтүмдүн артында ким турат? II бөлүк" деген журналисттик материал жарыяланган.

Кийин өкмөттүн басма сөз кызматы журналисттен өкмөт башчысы Сапар Исаковдон кечирим сурашын талап кылышарын билдиришкен.

"Анда келтирилген жүйөлөр чындыкка дал келбегендигине байланыштуу өкмөттүн басма сөз кызматы Фергана.ру басылмасы жана анын кабарчысы Элнура Алканова тараптан өкмөт башчы Сапар Исаковдун жана анын чөйрөсүнүн аталган бүтүмгө тийиштиги бар экендиги тууралуу маалыматтын төгүнгө чыгарылышын жана коомчулук алдында кечирим суроосун талап кылат", - деп жазылган маалыматта.

Автор: Айсалкын Качкынбекова

19:57 13-02-2018

Жазылуу

РУБРИКАДАГЫ СОҢКУ КАБАРЛАР

23:52 2025-06-19 | Түркүн дүйнө

АКШ менен Иран бийлигинин ишенимдүү адамдары телефон аркылуу байланышты 982 0

23:15 2025-06-19 | Кылмыштар, кырсыктар

Бишкекте скутерди башкарып бара жаткан жигит кулап, унаа тебелеп кетти (видео) 1157 0

22:34 2025-06-19 | Спорт

41:0. Кыргыз балбаны бир дагы упай алдырбастан Азия чемпиону болду 1243 0

21:43 2025-06-19 | Кылмыштар, кырсыктар

Кыз талашып... Базар-Коргондо айдоочулардын пикир келишпестиги атышууга чейин жетти (видео) 1773 0

21:12 2025-06-19 | Түркүн дүйнө

Путин менен Си Цзиньпин Жакынкы Чыгыштагы кырдаал боюнча сүйлөштү. Эмне кеп? 1317 0

20:56 2025-06-19 | Коом жана турмуш

Папанда үч көчө асфальтталып, пайдаланууга берилди 574 0

Архив

Комментарийлер (6)

Osh3015

2018-02-13 20:43:28

386$ млн долларды жеп койсо керек да,же 15 кытайга паспорт берип койсо керек да.

Jelezo

2018-02-13 21:01:36

Миллиондоп пара алган генпрокуратура эми ушул кызга кылмыш ишин ачып мамлекетке кандай пайда алып келет

bekov01

2018-02-13 21:19:32

Исаков кыздар менен курошпой елге иштеп берсе не болмок

jbolotov

2018-02-13 22:21:30

Ген прокуратура чычкан андыбай 386 млн долларды таап чыкбайбы.

Azatbek83

2018-02-13 22:51:04

Жуктун ээсин таап жазасын берсенер болмок элди алаксытып майда иштерди карай бербестен!Унутат дебегиле кыныр иш кырк жылда болсода билинет.Билип туруп билмексен болуштан айтыштан уялабыз десенер болмок!

Arlenchik

2018-02-14 00:34:07

Вип городоктун ото томон баага бааланып сатылып кеткени чындык, мындайча айтканда жогору жактагылардын оздорунун жакындарына катталган, ал чындыкты айтып чыккан журналистке иш козгоп атышат, коттору чукулуп калбасын деп, соз эркиндигине ото кысым жазап атышат бул акмактар, бул коррупционерлерди ооздуктай турчу эл башчысы келет болду бекен озу, бул жегичтер мамлекетти карызга батырып бутургону калышты, мамлекеттин мулкторун ото томон баага сатып бийликте турганда болушунча пайдаланып атышат.

Комментарий калтыруу үчүн өз ысымыңыз менен кириңиз же каттоодон өтүңүз.