super.kg logo

Германияда 14-февраль - Психикалык жактан жабыр тарткандардын күнү. Бул күндү кайсы өлкө кандай белгилейт?

 

Бүгүн, 14-февраль дүйнөнүн көптөгөн өлкөлөрүндө Ыйык Валентин күнү чоң майрам болуп эсептелет. Көпчүлүк маалыматтарда бул майрам биздин замандын III кылымында негизделген деп айтылат. Тактап айтканда, Рим императору Клавдий "эркектер үй-бүлөсүнө алаксып, аскерге баруудан баш тартышууда" деген негизде эркектерге үйлөнүүгө тыюу салган. А бирок Валентин аттуу чиркөө кызматкери бул тыюуга каршы чыгып, чиркөөдө жашыруун нике кыюуну уланта берген. Чиркөө кызматкеринин бул жоругу билинип калганда, император мындай чыккынчылыгы үчүн Валентинди 14-февралда өлтүрткөн. Ошондон баштап Валентиндин урматына 14-февраль - Сүйүү күнү деп белгиленип калган. Кылым карыткан бул майрамды кайсы өлкөдө кандай майрамдашат назар салып көрөлү.

Германия

Германияда 14-февралда психиатриялык ооруканаларды кызыл ленталар менен кооздоп, чиркөөлөрдө атайын иш-чаралар өтөт. Германиялыктар бул күндү сүйүшкөндөрдүн эмес, психикалык ооруга чалдыккандардын күнү катары белгилешет.

Украина

Украина өлкөсүндө бул майрам белгиленип баштаганына аз гана убакыт болгонуна карбастан, кеңири жайылган. Гүлгө, түрдүү белектерге толгон дүкөндөр жарандарга жылуу маанай тартуулайт.

Япония

Японияда бул күнү сүйгөн адамыңа таттуу даамдарды белекке берүү керек. Ошондой эле Тои чакан аймагында жергиликтүү жашоочулар "Сүйүү карнавалын" уюштурушат. Майрамда жаш түгөйлөр көчө бойлой басып, сүйүүлөрүн катуу кыйкырып билдиргенге аракет кылышат. Карнавал таң эрте башталып, түн ичинде аяктайт. Дагы бир кызыктуу көрүнүш эгерде сиз сүйгөн адамыңыз менен түбөлүктүү болоруңузга ишенсеңиз, анда ага кат жазып атайын почта менен жиберсеңиз болот. Сиз жазган кат түгөйүңүзгө туура бир жылдан кийин 14-февралда келет.

Франция

Сүйүшкөндөрдүн шаары аталган Парижде бул күнү көчөлөргө атайын экрандар орнотулат, ал экрандар аркылуу сүйүшкөндөр өздөрүнүн сезимдерин көпчүлүктүн алдында билдире алышат. Мырзалар бул майрамда сүйүктүүлөрүнө баалуу белектерди тартуулашат.

Италия

Ыйык Валентин күнү өзүнүн башатын алган бул өлкөдө 14-февралды сүйүүнүн жана жаздын майрамы деп аташкан. Иш-чаралардын баары ачык асман алдында өтөт. Көпчүлүк мырзалар ушул күнү өздөрүнүн жүрөк ээлерине баш кошуу сунуштарын киргизишет.

Улуу Британия

Британияда турмушка чыга элек кыздар таң атпай туруп алып, терезеден ары-бери өткөн мырзаларды карашат. Уламышка ылайык, кыз кайсы мырзаны биринчи көрсө ал анын өмүрлүк жары болот. Майрамда түгөйлөр бири-бирине жумшак оюнчуктарды, жүрөк формасындагы таттуу токочторду жана ачык каттарды белекке беришет.

Австрия

Көпчүлүк сүйүшкөндөр Крумбах шаарчасына бет алышат. Анткени дал ушул шаарда Валентинге арналып салынган чиркөө орун алган. Ошондой эле сүйүшкөндөр күнүндө мырза сүйгөнүнө сөзсүз түрдө гүл белекке берүүсү керек. Ал эми мырзаларга бул күнү эч кандай белек берилбейт.

Сауд Арабия

Ыйык Валентин күнүн расмий түрдө майрамдоого тыюу салган жалгыз өлкө - бул Сауд Арабия. Эгерде кимдир бирөө мыйзамды бузса, жоопко тартылат.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(8)
14.02.2018. 13:22 
Тайпасы:
Жаран
Комментарийлердин саны:
125
Катталган:
09-12-2012
Соӊку аракети:
20-11-2018 20:21
Жынысы:
Белгисиз
Калаасы:
ош
+17
Германия туура белгилейт экен э
14.02.2018. 13:26 
Тайпасы:
Жаран
Комментарийлердин саны:
Катталган:
25-01-2016
Соӊку аракети:
02-03-2018 16:31
Жынысы:
Белгисиз
+10
aliko78, Ооба, мага да жакты.
14.02.2018. 13:56 
Тайпасы:
Жаран
Комментарийлердин саны:
1041
Катталган:
23-09-2015
Соӊку аракети:
20-11-2018 20:04
Жынысы:
Белгисиз
+11
Бизде Кыргызстанда психологиялык жактан жабыр тарткандар 14-февралды махабат майрамы деп майрамдашат.
14.02.2018. 16:15 
Тайпасы:
Тартип бузгандар
Комментарийлердин саны:
171
Катталган:
08-12-2017
Соӊку аракети:
16-11-2018 08:51
Жынысы:
Белгисиз
+8
Биздин эл оомо элда бөтөн элдин майрамын майрам кылып алган. Келесоолор, валентиндин кыргызга кандай тиешеси бар. Мээңер менен
14.02.2018. 21:22 
Тайпасы:
Жаран
Комментарийлердин саны:
113
Катталган:
04-03-2017
Соӊку аракети:
16-11-2018 00:50
Жынысы:
Белгисиз
0
Kojo1995, кой элди келесоо дебе, Жаны-Жыл Айт 8-март деле ботон элден келген же сен Ноорузду эле майрамдайсынбы
14.02.2018. 14:01 
Тайпасы:
Жаран
Комментарийлердин саны:
127
Катталган:
03-02-2018
Соӊку аракети:
09-11-2018 12:48
Жынысы:
Белгисиз
+7
Негизи немистер ото эле кыйын экен. Согуштан кийин 30 жылдын ичинде мурдагы держава калыбына келишкен. Ото эле эмгекчил келишет экен.
14.02.2018. 15:13 
Тайпасы:
Тартип бузгандар
Комментарийлердин саны:
1110
Катталган:
01-01-2017
Соӊку аракети:
11-06-2018 16:43
Жынысы:
Белгисиз
+9
Германия туура кылат
14.02.2018. 18:28 
Тайпасы:
Жаран
Комментарийлердин саны:
80
Катталган:
01-02-2018
Соӊку аракети:
20-11-2018 09:42
Жынысы:
Белгисиз
+1
Оо немистер эн акылдуу калк го. IQ Test боюнча биринчи орунда турат Германия. Анан немистерин машиналары да абдан сапаттуу го: Мерседес-Бенц, Bmw, Порш, Ауди, Фольксваген, Опель, Мини(Мини-купер)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
117936;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: