ӨКМ: "Бишкекте жылуулук түтүгү өткөн чуңкурдан белгисиз адамдын жансыз денеси табылды"

Бишкек шаарынын Асанбай кичи районунда белгисиз адамдын жансыз денеси табылды. Бул тууралуу бүгүн, 19-февралда Өзгөчө кырдаалдар министрлигинин басма сөз катчысы Элмира Шерипова билдирди.

"Кечээ, 18-февралда саат 19:00дөр чамасында Бишкек шаарынын Октябрь районундагы Асанбай кичи районунда көп кабаттуу үйлөрдүн биринин алдындагы жылуулук түтүгү өткөн чуңкурдан 40-45 жаштардагы белгисиз адамдын жансыз денеси табылган. Аны биздин кызматкерлер чуңкурдан чыгарышып, милиция кызматкерлерине өткөрүп беришкен. Кийин анын туруктуу жашаган жери жок адам экени, ошол чуңкурда түнөп жүргөнү белгилүү болгон", - дейт басма сөз катчы.

Автор: Сүйүн Кулматова