"Forbes" журналы "Телеграм" мессенжеринин негиздөөчүсү Павел Дуровду миллиардерлердин катарына кошту

"Forbes" журналы "Телеграм" мессенжеринин негиздөөчүсү Павел Дуровду миллиардерлердин катарына кошту. Маалыматка караганда, анын байлыгы 1 миллиард 700 миллион доллардан ашкан.

"Телеграм" мессенжери 2013-жылы ишке кирген. Дуровдун айтымында, бүгүнкү күнү аталган мессенжерди 180 миллиондон ашык адам колдонот жана күнүнө 600дөн ашуун жаңы колдонуучу катталат. "Forbes" 2017-жылы Дуровдун байлыгын 950 миллион долларга баалаган болчу. Адистердин баамында анын байлыгынын өсүшүнө "Телеграмдын" колдонуучуларынын артышы себеп болгон.

Айта кетсек, Павел Дуров "ВКонтакте" социалдык тармагынын да негиздөөчүсү.

Автор: Айзада Тураркулова