super.kg logo

Сот "Вечерний Бишкектин" мурдагы ээси Александр Кимди шарттуу түрдө 6 жылга эркинен ажыратып, Рябушкинге 27 миллион сом төлөөгө милдеттендирди

 

Бишкек шаарынын Свердлов райондук соту "Вечерний Бишкек" басылмасынын мурдагы ээси Александр Кимди шарттуу түрдө 6 жылга эркинен ажыратты. Мындай чечим ишти карап жаткан Бишкек шаарындагы Свердлов райондук соту тарабынан 20-февралда кабыл алынды. Соттун чечимине ылайык, Ким белгиленген 6 жылдык жаза мөөнөтүнүн 2 жылын сыноо мөөнөтү катары өтөйт. Ошондой эле судья Санжар Чотонов айыпталуучунун ден соолугун, анын мүнөзүн жана сыйлыктарын эске алып, доогер Александр Рябушкиндин пайдасына 27 миллион сом өндүрүп берүүнү чечти.

Айыпталуучунун жактоочусу соттун чечимине каршы экенин билдирип, жогорку инстанциядагы сотко кайрыларын билдирди.

Белгилей кетсек, Александр Кимге басмакананын учурдагы ээси Александр Рябушкиндин арызынын негизинде кылмыш иши козголгон. Рябушкин Александр Ким кызмат абалынан пайдаланып компаниянын ири суммадагы каражаттарын мыйзамсыз алып турган деген негизде андан 27 миллион сом талап кылган. Ал эми айыпталуучу өзүнө коюлуп жаткан айыпты четке кагып, муну саясий кысым катары айтып келет.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
114638;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: