Президент Алмазбек Атамбаев Жогорку Нарын ГЭС каскадынын курулушуна капсула салуу аземине катышты

Иш-чарага катышкан президент кайрадан Бишкекти көздөй сапар алды

Өлкө башчы Нарын районунун тургундары менен жолугушту

Президент Алмазбек Атамбаев жана "РусГидро" ишканасынын жетекчиси Евгений Дод курулуш ишине капсула салуу аземине катышты

Бүгүн, 12-июнда Жогорку Нарын ГЭС каскадынын курулуш иштери башталды. Иш-чарага өлкө башчы Алмазбек Атамбаев баштаган бийлик жетекчилери катышуусу менен курулушка капсула салуу аземи болду. Президент бул долбоордун маанилүүлүгүн баса белгилеп "Жогорку Нарын ГЭС каскадынын курулуп ишке кириши өлкөнүн экономикасына өсүш алып келет. ГЭСтерден түшкөн пайда Орусия менен Кыргызстандын ортосунда тең бөлүнөт. Эң башкысы өлкөдө тынчтык болсун, ар кандай чагымчыл аракеттерге алдырбаңыздар. Бардык нерсе мыйзамдын негизинде гана чечилиши керек",- деди. Чогулган эл башталган ишке ак бата тилешип, президент Бишкекке учуп кетти. Ал эми Таш-Башат айылында концерттик программа уланууда.

Автор: Гүлжан Асанкожоева
Фото: Гүлжан Асанкожоева