Милиция Кара-Суудагы 54 жаштагы адамдын өлүмүнүн чоо-жайын айтты

Кара-Суу районундагы Шарк айылынын 54 жаштагы Н.Х. аттуу тургунун мыкаачылык менен өлтүрүүгө шектүү катары 3 адам 28-февралда кармалган. Бүгүн, 2-мартта Ош ОИИБинин басма сөз катчысы Жанна Сатарбаева окуянын чоо-жайын айтып берди. Ал белгилегендей, шектүүлөрдүн бири аны менен Орусияда бирге иштеп келген.

"Козголгон кылмыш ишинин негизинде Ош ОИИБинин жана Кара-Суу РИИБинин кызматкерлери тарабынан шектүү катары 1994-жылы туулган Х.Б., А.А. жана 1993-жылы туулган Б.У. аттуу үч адам кармалды. Алардын бири Х.Б. үйүндө жашынып жаткан жеринен, Б. У. Кызыл-Кыя шаарынан Ош шаарына карай келе жатканда өткөрүү пунктунан, А. А. чайханалардын биринде иштеп жаткан жеринен кармалган.

Шектүү Х.Б. өз көрсөтмөсүндө маркум менен Орусияда бирге иштегенин, мыйзамсыз иш-аракеттерди жасоого эки досун үгүттөп, 25-февралга караган түнү маркумдун үйүнө үйдүн арткы тарабындагы дубалдан ашып өтүп киришкенин айткан. Үйгө кирип барышкандан кийин үй ээси уктап жатканда 3-4 жолу балка менен башка уруп өлтүрүп, баштыкта сакталып турган документтерди жана акчаны алып чыгып кетишкен. Бирок документтерин талаага алып барып өрттөп салышкан экен", - деди Сатарбаева.

Учурда шектүү катары кармалгандар убактылуу кармоочу жайга киргизилип, тергөө амалдары жүргүзүлүүдө.

Автор: Жамалидин Парманкулов
Фото: Ош ОИИБ

15:40 02-03-2018

Жазылуу

РУБРИКАДАГЫ СОҢКУ КАБАРЛАР

15:55 2025-06-19 | Кылмыштар, кырсыктар

Жалал-Абад шаарындагы базардан чыккан өрт чектөөгө алынды 45 0

15:41 2025-06-19 | Түркүн дүйнө

SpaceX компаниясынын Starship ракетасы сыноо учушуна чейин жарылып кетти 209 0

15:35 2025-06-19 | Түркүн дүйнө

Бразилияда ягуар менен аллигатордун укмуштуудай кармашы видеого тартылып калган (видео) 317 0

15:07 2025-06-19 | Саясат

Бишкек менен Чүйдө электр жарыгы эмнеге жапырт өчкөнү айтылды 344 0

14:59 2025-06-19 | Коом жана турмуш

Кыргызстан менен Корея ортосунда 46 миллион доллардык инвестициялык меморандумга кол коюлду 174 0

14:58 2025-06-19 | Коом жана турмуш

Жеке менчикке мыйзамсыз чыгарылган жер тилкеси мамлекетке кайтарылды 198 0

Архив

Комментарийлер (4)

mister888

2018-03-02 16:05:45

господа опера молодцы милициянын ен оор жугун уголовный розыска тартат угро это матор милиции милиция жеп жатат коркутуп жатат деп суйлойсунор милиция бар коопсуздук бар

Akylai85

2018-03-02 16:43:45

Жашагандан коркосуң өз үйүңдө

murat17

2018-03-02 20:22:59

Озбектер экен

aydinnur

2018-03-04 03:27:52

Өөлөр го

Комментарий калтыруу үчүн өз ысымыңыз менен кириңиз же каттоодон өтүңүз.