Кыргыз жергесин дүйнөгө тааныткысы келген түрк мугалими. Анын сүрөттөрүнө көз салып, укмуштай кооз өлкөдө туулганыңызга дагы бир суктаныңыз

Белгилүү улакчы Манас Ниязов

Бишкек-Ош жолу бийиктиктен

Сулайман-Тоону 4 мезгилде чагылдырган. Чагылгандын түшүшүн 4 саат күтүп, таңкы саат 4тө камерасына тартып калган.

Зафер Динчер 14 жылдан бери Кыргыз өлкөсүндө жашап, Ош облусундагы "Сапат" лицейинде физикадан сабак берет. Андан тышкары бош убактысында колуна фотоаппарат алып, жомоктогудай кадрларды тартат. "Камеранын жардамы менен Кыргыз өлкөсүнүн булуң-бурчундагы топурагын бастым, суусун ичтим. Айылдагы адамдар менен тааныштым. Алар мени тааныбаса да төрүнө өткөрүп, ысык чайы, наны менен сыйлашат", - дейт ал.

Зафер мырза Германияда төрөлүп, 4 жашында Түркияга келген. Орто жана жогорку билимди Түркиядан алган. Карьерасындагы тушоосу Кыргыз жеринде кесилген. "Кыргыз жергесинде иштеген тааныштарым "Бишкекке келип иштеп көр" дегенинен жубайым Хадича менен 1 жылга келгем. Бирок калып калам деп такыр ойлогон эмесмин", - деп эскерет 14 жыл мурдагы тандоосу тууралуу.

Ал алгач Талас облусундагы түрк лицейинде 5 жыл иштеген, аталган дубанда уулу туулган. Андан соң Ош облусундагы лицейге которулуп, Ош шаарында кызы төрөлгөн. Бул аралыкта Зафер Динчердин жашоосу Кыргыз жергесине байланып калган.

Кызыктуу учурларды камерага түшүрүп калуу үчүн күч жана убакыт керек. Ал эми Зафер мырза түн уйкусун садага чаап, алтургай өмүрүн коркунучка кептеген учурлардан да баш тартпайт. Кайда барбасын колунан фотоаппаратты түшүрбөйт. Себеби кокусунан тартылган сүрөттөр дайыма кооз чыгат.

"Сүрөтчү болуп акча табууну көздөбөйм. Кесибимди таштап, фотограф болуп кетүү деле каалоом жок. Менин максатым - жети дубандын кооз жерлерин сүрөткө тартып, туризмдин өнүгүшүнө салым кошуу. Анткени чет элдиктерге Кыргыз жергесин айтсаң дароо эле Ысык-Көлдү айтып киришет. Андан башка аймактарды биле беришпейт", - дейт.

"Сүрөттөрдүн алдына "Кыргыз мамлекетинин кооз жерлерин сүрөткө тартуу менен тааныштырып жатканыңа рахмат" деген билдирүүлөр көп жазылат. Калтырылган посттордун ар бирин окуп, өлкөгө пайда алып келип жатканыма сыймыктанып, дагы сүрөткө тартуу каалоом күч алат", - дейт Зафер Динчер.

"Тарткан сүрөттөрүңүздө Түркия көппү же Кыргыз жергесиби?" деген сурообузга "Сүрөттөрдүн жарымынан көбү Кыргыз жергесине таандык. Бул жактын жаратылышы өзгөчө кооз" деген жоопту уктук.

Автор: Бактыгүл Момбекова

07:41 05-03-2018

Жазылуу

РУБРИКАДАГЫ СОҢКУ КАБАРЛАР

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 63 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1542 0

16:07 2025-05-01 | Маданият, шоу-бизнес

Ырчы Ильяз Андаш уулдуу болду (видео) 225 0

15:45 2025-05-01 | Коом жана турмуш

Бишкекте бүгүндөн тарта фонтандар иштей баштады 218 0

15:10 2025-05-01 | Супер-Инфо

Кадыр Жарматов, шоумен: «Кара дуба, сыйкыр бар экенине ишендим» 195 0

15:09 2025-05-01 | Коом жана турмуш

Бишкектеги вокзалда "маршрутка" таппай кыйналган элдин видеосу тарады 812 0

Архив

Комментарийлер (36)

Azi81

2018-03-04 16:34:08

Азаматсыз байке талантынызга таазим!!!кыргызстан бейиштин тору чынында,чондорубуз жакшы жерлерди сатышпаса,биз суктанышыбыз керек ушундай кооз олкодо жашаганыбызга,жашасын кыргызстан!!!урраа урраа.

Baku88

2018-03-04 16:39:41

Зафер мырза сизге ийилип таазим кылам

nurbekasr

2018-03-04 16:41:52

Кыргызстан сен үчүн эмне??? Эмне Кыргызстан?Кыргызстан менин мекеним,сүйүүм,өмүрүм,жашоом,Кыргызстан менин баа жеткис өлкөм.Аллаха миң мертебе шүгүр,ушундай бейиштей жеримде төрөлгөнүмө.

umar.kgz

2018-03-04 17:03:38

керемет!!!!!

balykchy2012

2018-03-04 18:26:05

Кандай соонун Кыргызстан биздин мекенибиз.

tasnim

2018-03-04 19:57:34

Эсим ооооооп калайын дедигооо,кандай талант.Эмгегинизге терен таазим

qwert123

2018-03-04 20:18:42

колдо бар алтындын баркын билбейбиз эх

Azatbek83

2018-03-04 20:21:31

Кереметтүү Кыргыз жерим Бейиштей жерим! Чоңдор ушул жерлерди да сатып жок кылып жатышат!

Diaza

2018-03-04 22:42:20

Оооййй менин туулуп оскон жеримдинда кооздугун тартыптыр.Жангак туннелим

bahabaike

2018-03-04 23:20:35

Инстаграммда да бар да бул киши киргизген суротторун лайк лайк кылып турам.

altyn2015

2018-03-05 16:24:55

жакшы...

maimylcha

2018-03-05 00:13:41

Абдан жакшы учурларды тартыптыр. Керемет!

i1urp

2018-03-05 00:55:28

Эн сонун. Ала Тообузга туболук данк. Элибиз бар болсун.

Pandora

2018-03-05 08:50:16

Жерибизди жаратканым озу суук коздордон сактасын.Мекенимде ар бир баскан кадамдарыбыздын озу кооз

Akyl78.1501

2018-03-05 12:50:26

Суротту коруп козумо жаш келди ушундай кооз жерлерибизди барктабайбыз

altyn2015

2018-03-05 16:23:51

салам.

Комментарий калтыруу үчүн өз ысымыңыз менен кириңиз же каттоодон өтүңүз.