Ишимбай Чунуевдин ордуна убактылуу Акылбек Маратбаев дайындалды

13-июнда өкмөттүн отурумунда премьер-министр Жантөрө Сатыбалдиев геология жана минералдык ресурстар боюнча мамлекеттик агенттиктин директору Ишимбай Чунуевди тоо-кен өндүрүү тармагындагы абал тууралуу доклад берип жаткан маалда кызматтан бошотту. "Сиз кызматтан бошотулдуңуз. Бул кызматта мындан ары иштебейсиз. Менде сизге болгон ишенич жоголду. Биз тиешелүү токтомду даярдайбыз",- деди. 14-июнда өкмөт башчы Чунуевдин кызматтан бошотулушу тууралуу жарлыкка кол койду. Маалым болгондой, Чунуевдин ордуна убактылуу Акылбек Маратбаев дайындалды. Эске салсак, Маратбаев буга чейин Ишимбай Чунуевдин орун басары болуп иштеп келген.

Автор: Мээрим Жеңишбек кызы