Ата-энесин кароодон баш тарткан жарандарды эркинен ажыратуу сунушталды

Ата-энесин, жакын адамдарын кароодон баш тарткан жарандарды эркинен ажыратуу сунушталды. Кылмыш-жаза кодексине киргизиле турган өзгөртүүлөрдү Жогорку Кеңештин депутаты Тазабек Икрамов демилге кылып, ал коомдук талкууга коюлду.

Демилгечи бүгүнкү күндө эмгекке жарамдуу жарандар, камкордукка муктаж болгон ата-эне, жакын туугандарын карылар үйүнө таштап салган окуялар көп болуп жатканын билдирген.

Мындан улам жашы жеткен, эмгекке жарамдуу балдар жүйөлүү себепсиз бир жылдын ичинде үч айдан ашык соттун чечими боюнча эмгекке жарамсыз жана материалдык жардамга муктаж ата-энелерин кароого каражат төлөөдөн баш тартса, III категориядагы түзөтүү иштерине же IV категориядагы айып пулга тартылат. Ушул эле жарандарды тийиштүү кызмат ордун ээлөө укугунан ажыратуу менен I категориядагы эркиндигинен ажыратууга же эки жылга чейинки мөөнөткө тийиштүү иш менен алектенүүдөн ажыратууга жана I категориядагы айып пулга жазаланышы мүмкүн.

I категориядагы эркиндигинен ажыратуунун мөөнөтү - 2 жыл алты ай. IV категориядагы айып пулдун көлөмү 180 миң сомдон 220 миң сомго чейин жетиши мүмкүн.

Мыйзамдын негиздемесинде мындай тажрыйба коңшу Тажикстанда иштеп жатканы айтылат.

"Тажикстанда ата-энесин багуудан качкандар үчүн кылмыш жазасы каралган. Ага ылайык, Тажикстан мамлекетинин Кылмыш-жаза кодексинин 178-беренесине ылайык жүз жыйырма сааттан жүз сексен саатка чейин мажбур жумуштары менен же эки жылдык түзөтүү жумуш иштери менен жазаланат. Жогоруда белгилеп кеткен берене Тажикстан мамлекетинде жакшы таасир этип, элдин моралдык жана рухий дүйнөсүн жогорулатып жатканы анык", - деп жазылат негиздемеде.

Эгер мыйзам коомдук талкуудан өтүп, Жогорку Кеңеш кабыл алса бул 2019-жылдан тартып ишке кириши күтүлөт.

Автор: Мунарбек Жоргомов

11:24 23-03-2018

Жазылуу

РУБРИКАДАГЫ СОҢКУ КАБАРЛАР

09:54 2025-07-02 | Түркүн дүйнө

Зеленский Азербайжанды колдоду 161 0

09:46 2025-07-02 | Саясат

Балыкчы шаарынын мэри алмашты 157 0

09:42 2025-07-02 | Кылмыштар, кырсыктар

Бишкектеги Республикалык стоматологиянын менчиктештирилип кеткен имараты мамлекетке кайтарылды 72 0

09:33 2025-07-02 | Кылмыштар, кырсыктар

Баткенде аткезчилик фактысына бөгөт коюлду 160 0

09:30 2025-07-02 | Түркүн дүйнө

USAID тышкы жардам берүү программаларын ишке ашырууну токтотту 88 0

09:26 2025-07-02 | Түркүн дүйнө

Германияда Палестина үчүн акча чогултуп, өзүнө короткон блогерге кылмыш иши козголду 311 0

Архив

Комментарийлер (13)

gute

2018-03-23 11:40:00

Туура ошондой кылыш керек мен колдойм

+17

bekub1473kg

2018-03-23 11:43:35

Ооо мен колдойм эки колумду бутумдуда кошуп

+15

nurikkg88

2018-03-23 11:55:15

Кыргыз эли баарыбыз колдойбуз

+11

Mirlan27011987

2018-03-23 12:54:55

nurikkg88,
Карыганда жан таттуу. Карылык коркунуч эмес, олум коркунучтуу.

-11

gute

2018-03-23 14:55:53

Mirlan27011987, Олумдон корксон дагы олосун коркпосон дагы олосун. Ата-Энен карыса дагы тируу кезинде сыйлап кал

AIZAD

2018-03-23 11:55:24

Мамлекет озунун жоопкерчилигин жонокой атуулдарга оодаргысы келип атат. Бул закон чондорго иштебейт кайра эле карапайым элге иштейт. Кеп ыйманда.

Baku88

2018-03-23 12:06:00

AIZAD, мамлекеттин кандай тиешеси бар кичине ойлонуп жазып атасынбы буту колу соо туруп тирүүлөй ата энесинен баш тарткан жарандарга жаза киргизилиш керек деп жатат мамлекет багат деп эле баары баш тарта берсе кандай болот

Azatbek83

2018-03-23 11:57:23

Бүгүндөн баштап эле иш жүзүнө киргизип коё бергиле көпчүлүгү колдойт мындай мыйзамды!

Baku88

2018-03-23 12:01:17

Колдойбуз кантип колдобой коёбуз эң туура мыйзам айып пулду дагы көбүрөөк кобойтуш керек. Ата энесин баккандан баш тартып эмне жакшылык корушоор экен мындай көрүнүштү башка элдерден көрүп чочучу элек эми болсо өзүбүздукулор таштап баштады кудайым ар бир инсанына ыйман берсин

barakcha

2018-03-23 12:07:27

Ата-энени кандай таш боор бала бакпай койот болду экен?Аллах баарыбызга ыйман берсин!Билип билбей кылган куноолорубузду кечирсин!

momun74

2018-03-23 12:17:37

Жакшы сунуш кош колдоп колдойм

raykray

2018-03-23 13:32:24

Баш тартса эркининен ажыратканга ашыкпай жаштарга иш орду,каарылардын пенсиясын которуп шарт тузуу жолун караштырыш кк!!! Азап мн чонойткон ар бир ата эне торубуздун корку болсун каарыганда

amirrus

2018-03-23 16:05:29

Туура иш дароо ишке киргизиш керек, эмнени же кимди кутуу керек 2019га чеин чозбой сразу баштагыла

Комментарий калтыруу үчүн өз ысымыңыз менен кириңиз же каттоодон өтүңүз.