Ысык-Көл. Жети-Өгүз районундагы митинг учурунда жабыр тарткандарга жардам берүүгө марафон өтүп жатат

Жети-Өгүз районунун Саруу айылында 31-май күнү митингге чыккандардын арасынан жаракат алган 3 адамга жардам берүү үчүн учурда Кызыл-Суу айылында марафон өтүп жатат. Райондун тургундары бул марафон канча күнгө созулары белгисиз деп билдиришүүдө. Эске салсак, 31- майда «Кумтөр» ишканасына карата Жети-Өгүз районунун кээ бир айылдарынын эли нааразычылык митингине чыгышкан. Анда элди таратуу максатында күч органдары ар кандай каражаттарды колдонушуп, айрым тургундар жаракат алышкан эле.

Автор: Айзат Анарбекова