Талас. “Кырк чоро” кинотеатрынын ачылыш аземи болуп өттү

Кыргыз өкмөтүнүн Талас облусу боюнча ыйгарым укуктуу өкүлү Койсун Курманалиева жана шаар мэри Анарбек Кушубаковдун катышуусунда шаардык “Кырк чоро” кинотеатрынын расмий ачылыш аземи болуп өттү. Буга карата “Кыргыз киносу эл арасында” аттуу Республикалык семинар өткөрүлүп, ага өлкөнүн жети дубанынан киноискусство өкүлдөрү келишти. Мындан сырткары Талас облусунун кино тармагында эмгектенген алгылыктуу адамдарына атайын сыйлыктар тапшырылды. “Кырк чоро” кинотеатры Жаштар министрлигинин демилгеси менен кайрадан оңдоп-түзөөдөн өткөнүн эске салып кетмекчибиз.

Автор: Нургүл Чабдарова