Жогорку Сот Чолпон Жакупованын коттеджи боюнча ишти артка кайтарды

Жогорку Сот адвокат Чолпон Жакупованын Ысык-Көлдөгү коттеджин сатуу боюнча ишти артка кайтарды. Мындай чечим кабыл алынганын бүгүн, 14-майда SUPER.KG порталына Жогорку Соттун басма сөз кызматынан кабарлашты.

Маалыматка ылайык, аталган сот иши Бишкектин Октябрь райондук сотуна кайра кароо үчүн кайтарылды. "Буга чейин Жогорку Сот Чолпон Жакупованы экс-президентке 3 миллион сомду бөлүп төлөөсүнө тыюу салган райондук жана шаардык соттун чечимин артка кайтарган. Ал эми коттедждерди сатуу боюнча иш өзүнчө каралып жатат. Буга чейин сотко "Жакупова 3 миллион сомдук доону коттеджин сатып төлөсүн" деген өтүнүч келтирилген. Жогорку Сот бул ишти да кайра кароо үчүн биринчи инстанцияга кайтарды", - деди Жогорку Соттун басма сөз кызматынан.

14-февралда Жогорку Кеңештин мурдагы депутаты Чолпон Жакупова экс-президент Алмазбек Атамбаевге доо арызын төлөш үчүн анын Ысык-Көл облусундагы 60 чарчы метрди ээлеген коттеджин сатыкка коюу чечимин кабыл алган.

Айта кетсек, 2017-жылы Башкы прокуратура экс-депутат Чолпон Жакупованын сөз эркиндиги боюнча жыйында сүйлөгөн сөзү үчүн жана "Заноза" сайтында жазылган материал боюнча ошол кездеги президент Алмазбек Атамбаевдин кадыр-баркына шек келтирди деп сотко кайрылган. Башкы прокуратура "Занозанын" башкы редактору Дина Маслова, сайттын түзүүчүлөрүнүн бири Нарын Айып, Чолпон Жакупова жана "Заноза" сайтына 3 миллион сомдон доо койгон. Жалпы доонун баасы 12 миллион сом болгон. Райондук, шаардык жана Жогорку Сот да доо арызды канааттандырган.

Буга чейин Жогорку Сот доого жыгылган Жакупова, Маслова жана Нарын Айыпка карата чыккан акчаны бөлүп төлөөгө тыюу салган чечимди жокко чыгарган.

Автор: Бектур Токтоноев

11:16 14-05-2018

Жазылуу

РУБРИКАДАГЫ СОҢКУ КАБАРЛАР

19:53 2025-06-18 | Коом жана турмуш

Жети-Өгүздө милиция кызматкерлери адашкан туристтерге жардам көрсөтүштү 60 0

19:16 2025-06-18 | Түркүн дүйнө

Иран президенти Катардын эмирине кат жолдоду 713 0

18:46 2025-06-18 | Түркүн дүйнө

Шерзат Болаттын үйүнүн өрттөлүшү: Министр иликтөөнүн жүрүшү жөнүндө айтты 487 0

18:15 2025-06-18 | Түркүн дүйнө

Газада акыркы 24 саатта 140тан ашык киши набыт болду 539 0

17:51 2025-06-18 | Түркүн дүйнө

Путин Иран менен Израилге ортомчу болууга даяр экенин ырастады 798 0

17:30 2025-06-18 | Кылмыштар, кырсыктар

Балыкчыдагы жер тилкеси мамлекетке кайтарылды 262 0

Архив

Комментарийлер (4)

fantomas

2018-05-14 11:45:03

Сот эми гана туура чечим чыгарыптыр...

InsanIndira94

2018-05-14 11:58:06

Супер-инфонун жаны саны эмнеге чыкпай жатат?Понедельник алмашчу беле?

admin_superstan

2018-05-14 12:29:57

InsanIndira94, саламатсызбы! Гезиттин жаңы саны шейшемби күнү саат 09:00дө сайтка чыгат.

altyn7776

2018-05-14 12:36:33

АШАнын Кой Ташта 9 гектарга жакын жери бар го. 5 миллион доллар кетирип курган уйу, резиденцияга 89 миллион сом кетирип курган уйу турат. Сагызган сактыгынан олбой суктугунан олот болуп жатат эксажо. Жаны бийлик ошол 5 Кытай кредитинин шалаакылык менен пайдалангандыгы учунм 5 миллион долларлык уйун саттырып мамлекетке токтурсо сонун иш кылмак элдин келечеги учун... эмне коруно алып кетмек беле ушунча байлыкты..калк карайлап турганда！

Комментарий калтыруу үчүн өз ысымыңыз менен кириңиз же каттоодон өтүңүз.