Бишкекте ден соолугунун мүмкүнчүлүгү чектелген балдарга сатылып алынган 10 телефон уурдалды

Бишкекте ден соолугунун мүмкүнчүлүгү чектелген балдарга деп сатылып алынган 10 телефон уурдалды. Бул тууралуу активист Айнагүл Абдрахманова SUPER.KG порталына билдирди.

Анын айтымында, телефондор кечээ, 13-май күнү болжол менен саат 15:00дөн 16:30тар чамасында уурдалган.

"Телефондор ден соолугунун мүмкүнчүлүгү чектелген балдарга арналып сатылып алынган. Кечээ саат 15:00 чамасында Исанов жана Бөкөнбаев көчөлөрүнүн кесилишине унаамды токтотуп, жарым саатка үйгө кирип чыккам. Кайра келип эле унаамдан телефондорду таппай калдым. Машинамды талкалап деле кетишпептир, эч нерсе байкалбагандай уурдалыптыр", - деди ал.

Абдрахманованын айтымында, уурдалган телефондор боюнча Биринчи Май РИИБине арыз менен кайрылган.

"Бул телефондор Ош шаарындагы ден соолугунун мүмкүнчүлүгү чектелген балдарга бүгүн, 14-майда тапшырылмак. Себеби балдарды IT-академиясына өтүшү үчүн эки ай бою компьютер пайдаланууну үйрөткөнбүз. Алар телефондон ар кандай сабактарды көрүп, окууга даярданышмак. Учурда мен Ош шаарында иш сапарында жүргөндүктөн, бул окуя боюнча жолдошум териштирип жатат. Кандай жол менен уурдалганын түшүнө албай жатам. Телефондордун жалпы суммасы 58 миң 200 сомду түзгөн. Ошондой эле ал акча атайын чогултулган", - деди Абдрахманова.

Автор: Айсалкын Качкынбекова

14:06 14-05-2018

Жазылуу

РУБРИКАДАГЫ СОҢКУ КАБАРЛАР

19:53 2025-06-18 | Коом жана турмуш

Жети-Өгүздө милиция кызматкерлери адашкан туристтерге жардам көрсөтүштү 60 0

19:16 2025-06-18 | Түркүн дүйнө

Иран президенти Катардын эмирине кат жолдоду 713 0

18:46 2025-06-18 | Түркүн дүйнө

Шерзат Болаттын үйүнүн өрттөлүшү: Министр иликтөөнүн жүрүшү жөнүндө айтты 487 0

18:15 2025-06-18 | Түркүн дүйнө

Газада акыркы 24 саатта 140тан ашык киши набыт болду 539 0

17:51 2025-06-18 | Түркүн дүйнө

Путин Иран менен Израилге ортомчу болууга даяр экенин ырастады 798 0

17:30 2025-06-18 | Кылмыштар, кырсыктар

Балыкчыдагы жер тилкеси мамлекетке кайтарылды 262 0

Архив

Комментарийлер (8)

KOCMOC

2018-05-14 14:10:18

Артынан тушуп, байкап калган да. Болбосо кайдан билмек эле машинада телефон бар экенин. Ким уурдаса да, жазасын алсын!

Azatbek.Svoboda.

2018-05-14 14:41:30

Ким алса да, же өзү алдаса буйрубасын акмактар экен!

-1

Daak9091

2018-05-14 14:51:47

Мен цумдун жанына 15 мүнөт машинамды токтотуп кирип чыкыча нотбугум жок деп кой мени тангалдырганы кантип билди менде нотбук бар экенин замокту талкалап салыптыр

-1

monster_high_98

2018-05-14 16:30:18

Эмнегедир бири бирине дал келбеген окуя экен,кантип эле ошондой болмок эле тоба,Табылып калсан,бул жерден телефондорду пайдаланып кеткендер эсинерге келгиле азабын тарта электе

Nurkan94

2018-05-14 16:50:02

Ишениш кыйын айла жок, табылып калсын балдардын ырыскысына.

AzKumFerDan

2018-05-14 17:00:05

Түшүнүксүз ..кандайча эшик талкаланбаса жарым саат ммм кудай билет

Diana-Ban

2018-05-14 22:03:25

Озу сатып акчасын жеп куноону бироого артып жаткан жокпу? Тергоочулор жакшылап тергегиле! Эгер озу жеп алганы билинип калса шерменде эле болот!
P.S. Эгер ошол телефондор оз акчасына алынганда эч качан кароосуз калтырбаса керек))) озу менен кошо которуп кирмек!

munar1980

2018-05-15 13:15:49

Эми ал жагы бизге карангы эми сизге ишенип акчаны бергенден кийин Телефондорду алып келип колго тапшыруу сиздин милдетиниз и жоопкерчилигиниз болот эми сиз жоготсонуз сиз толойсуз анан нары жагын органдар теришитире беришсин.

Комментарий калтыруу үчүн өз ысымыңыз менен кириңиз же каттоодон өтүңүз.