Соттордун Ак Үйдөгү айтылуу "куратору" Манас Арабаев кызматынан бошотулду

Кыргыз Республикасынын президентинин аппаратынын соттук реформа жана мыйзамдуулук бөлүмүнүн башчысы Манасбек Арабаев ээлеген кызматынан бошотулду. Бул тууралуу президенттик аппараттын маалыматтык саясат бөлүмүнөн 15-майда кабарлашты.

Маалыматка ылайык, ал Кыргыз Республикасынын "Мамлекеттик жарандык кызмат жана муниципалдык кызмат жөнүндө" мыйзамынын 47-беренесинин 3-бөлүгүнүн 2-пунктунун негизинде кызматынан бошотулган. Тиешелүү жарлыкка президент Сооронбай Жээнбеков кол койгон.

"Мамлекеттик жарандык кызмат жана муниципалдык кызмат жөнүндө" мыйзамдын 47-беренеси - мамлекеттик органдын, жергиликтүү өз алдынча башкаруу органынын демилгеси боюнча кызматты токтотуу.

47-берененин 3-бөлүгүнүн 2-пункту - саясий жетекчиликтин ишенимин жоготкондо өзгөчө тартипте кызмат ордуна дайындалган адамдар ээлеген кызматынан бошотулат.

Автор: Кызжибек Раимова